புதிய கூட்டணியுடன் பயணத்தை ஆரம்பிக்கவுள்ள தயாசிறி ஜயசேகர
நான் நீல நிறத்தையோ, சிறிலங்கா சுதந்திர கட்சியையோ விட்டுச் செல்லமாட்டேன் என நாடாளுமன்ற உறுப்பினர் தயாசிறி ஜயசேகர தெரிவித்தார்.
அத்தோடு சுதந்திரக் கட்சியின் தலைவர் முன்னாள் அதிபர் மைத்திரிபால சிறிசேனவுக்கும் இக்கூட்டணியில் இணைந்து பயணிக்க அழைப்பு விடுப்பதாக அவர் மேலும் குறிப்பிட்டார்.
'மனித நேயக் கூட்டணி' தொடர்பில் வினவிய போது இவ்வாறு குறிப்பிட்ட அவர் மேலும் தெரிவிக்கையில்,
அரசியல் நிலைமைக்கு தீர்வு
“அரசியலில் பல்வேறு சந்தர்ப்பங்களில் கூட்டணிகள் அமைக்கப்படும். குறிப்பிட்ட காலப்பகுதிக்குள் அந்த கூட்டணிகள் பிளவடையும். அந்தவகையில் புதியதொரு பயணமாகவே 'மனித நேயக் கூட்டணி' ஆரம்பிக்கப்பட்டுள்ளது.
நாடு எதிர்கொண்டுள்ள இருண்ட, இக்கட்டான அரசியல் நிலைமைக்கு தீர்வு காணும் நோக்கிலேயே இக்கூட்டணி உதயமாகியுள்ளது.
மக்களுக்கு தற்போது புதிய கட்சி, புதிய தலைமைத்துவமே தேவைப்படுகிறது. புதிய தலைமைத்துவத்தின் மீது மக்கள் நம்பிக்கை கொண்டுள்ளதோடு, அவ்வாறு ஒருவர் வருவார் என்ற நம்பிக்கையும் அவர்களிடம் காணப்படுகிறது.
ஆனால் எவ்வாறிருப்பினும் நான் நீல நிறத்தையோ, சிறிலங்கா சுதந்திர கட்சியையோ விட்டுச் செல்லமாட்டேன். சிறிலங்கா சுதந்திரக் கட்சியில் அங்கத்துவம் வகித்துக்கொண்டு, கூட்டணியொன்றை அமைப்பது எந்த வகையிலும் அந்த கட்சிக்கு பாதிப்பாக அமையாது.
மைத்திரிபால சிறிசேனவிற்கு அழைப்பு
புதிய கூட்டணியை தோற்றுவிப்பதன் மூலம், நான் சுதந்திரக் கட்சியை விட்டுச் செல்கின்றேன் என்று அர்த்தமல்ல. சுதந்திரக் கட்சியின் தற்போதைய பொதுச் செயலாளருக்கும் இந்நிகழ்விற்கு அழைப்பு விடுத்திருக்கின்றேன். அதிலிருந்து பலர் எம்முடன் இணைவார்கள்.
சுதந்திரக் கட்சியின் தலைவர் முன்னாள் அதிபர் மைத்திரிபால சிறிசேன நீண்ட காலமாக கூட்டணியொன்றை அமைப்பதற்கான நடவடிக்கைகளை முன்னெடுத்துள்ளார். அந்தவகையில் அவருக்கும் அழைப்பு விடுத்திருக்கின்றேன். இந்த கூட்டணியுடன் இணைந்து முன்னோக்கிச் செல்வோம் என்று அவருக்கும் அழைப்பு விடுக்கின்றேன்.
18 சிறிய கட்சிகளும், முன்னாள் அமைச்சர்கள், பிரதி அமைச்சர்கள் உள்ளிட்ட பலரும் எம்முடன் இணையவுள்ளனர். அவர்கள் யார்? எமது கூட்டணி எவ்வாறு இருக்கும் என்பதை எதிர்வரும் புதன்கிழமை 2.30 மணிக்கு முழு நாடும் அறிந்து கொள்ளும்” என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
விடுதலைப் புலிகளை வணங்கிய சிங்களவர்கள் ! 1 நாள் முன்
இனவாதம் வாழ்வது வடக்கு கிழக்கில் இல்லை… தென்னிலங்கையில்தான்…
5 நாட்கள் முன்
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
