மட்டக்களப்பில் பேக்கரி உரிமையாளரின் மனைவி படுகொலை: குற்றவாளிக்கு மரணதண்டனை

Tamils Batticaloa Law and Order

By Bavan Oct 01, 2026 01:07 PM GMT

Bavan

in சமூகம்

Report

மட்டக்களப்பில் பேக்கரி உரிமையாளர் ஒருவரின் மனைவியை கொலை செய்த குற்றச்சாட்டில் நபர் ஒருவருக்கு மரண தண்டனை வழங்கப்பட்டுள்ளது.

செங்கலடி பிரதேசத்தைச் சேர்ந்த 38 வயதுடைய பாலுதாஸ் பாலதாசன் என்பவருக்கே இவ்வாறு தண்டனை வழங்கப்பட்டுள்ளது.

மட்டக்களப்பு மேல் நீதிமன்ற நீதிபதி ரி.ஜே. பிரபாகரன் இன்று (01-10-2026) இந்த தீர்ப்பை வழங்கினார்.

உரிமையாளரின் மனைவி

சம்பவம் தொடர்பில் மேலும் தெரியவருகையில், வந்தாறுமூலை பிரதேசத்திலுள்ள பேக்கரி உரிமையாளர் கிருஷ்ணபிள்ளை குமாரசாமியின் வீட்டுடன் உள்ள பேக்கரிக்குள் கடந்த 2007 டிசம்பர் 25 ஆம் திகதி பாலுதாஸ் பாலதாசன் அத்துமீறி உட்புகுந்து தனிமையில் இருந்த பேக்கரி உரிமையாளரின் மனைவியான நாகமுத்து பிறேமாவதி கொலை செய்த குற்றச்சாட்டில் கைது செய்யப்பட்டார்.

இவ்வாறு கைது செய்யப்பட்டவருக்கு எதிராக காவல்துறையினரால் நீதவான் நீதிமன்றில் வழக்கு தாக்கல் செய்யப்பட்டு விசாரணையின் பின்னர் மட்டு மேல் நீதிமன்றுக்கு மாற்றப்பட்டு குறித்த வழக்கு விசாரணை தொடர்ந்து இடம்பெற்று வந்தது.

மட்டக்களப்பில் பேக்கரி உரிமையாளரின் மனைவி படுகொலை: குற்றவாளிக்கு மரணதண்டனை | Death Penalty Issued In 2007 Murder Case

இந்தநிலையில் வழக்கு தொடுநர் சார்பில் அரச சட்டவாதிகளான எஸ். அனுஷாங்கன் மற்றும் ரி.தர்சிகா ஆகியோர் முன்னிலையாகி வாதாடி வந்தனர்.

இந்த நிலையில் குறித்த நபர் குற்றவாளியாக மன்றில் இனங்காணப்பட்டு முதலாவது குற்றமான கிருஷ்ணபிள்ளை குமாரசாமியின் பேக்கரிக்குள் அத்துமீறி உள்நுழைந்த குற்றத்திற்கு ஒரு வருட கடூழிய சிறைத் தண்டனையும் மற்றும் இரண்டாவது குற்றமான அவரது மனைவியான நாகமுத்து பிறேமாவதியை கொலை செய்த குற்றத்திற்கு மரண தண்டனையும் வழங்கி தீர்பளிக்கப்பட்டுள்ளமை குறிப்பிடத்தக்கது.