குற்றவாளிக்கு மரணதண்டனை - வவுனியா நீதிமன்றத்தின் அதிரடி தீர்ப்பு!
வவுனியாவில் இருவரை கொலை செய்த குற்றச்சாட்டில் நபர் ஒருவருக்கு மரண தண்டனை விதிக்கப்பட்டுள்ளது.
இருவரை கொலை செய்து, கொள்ளையிட்ட சம்பவத்துடன் தொடர்புடைய நபருக்கு வவுனியா மேல் நீதிமன்ற நீதிபதி மா. இளஞ்செழியன் மரண தண்டனை வழங்கி தீர்ப்பளித்துள்ளார்.
வவுனியா சமளங்குளத்தில் 2009 ஆம் ஆண்டு ஒக்டோபர் மாதம் 16 ஆம் திகதி வீடொன்றினுள் நுழைந்து அங்கிருந்த இருவரை சுட்டுக்கொலை செய்துவிட்டு கொள்ளையில் ஈடுபட்ட குற்றச்சாட்டில் ஒருவர் கைது செய்யப்பட்டிருந்தார்.
இந்த கொலைச் சம்பவத்துடன் தொடர்புடைய 24 வயது நபருக்கெதிராக 11 குற்றச்சட்டுகளின் கீழ் வழக்கு தொடரப்பட்டிருந்தது.
மரண தண்டனை
இந்தநிலையில், வவுனியா மேல் நீதிமன்றத்தில் விசாரணைகள் இடம்பெற்று வந்த நிலையில், தற்போது 38 வயதாகும் குறித்த நபருக்கு நேற்றைய தினம்(30) வவுனியா மேல் நீதிமன்றத்தில் 9 குற்றச்சாட்டுகளுக்கு எதிராக 16 வருட கடூழிய சிறைத்தண்டனை விதித்து தீர்ப்பளிக்கப்பட்டுள்ளது.
அத்துடன் 10 ஆயிரம் ரூபா தண்டப்பணமும் விதிக்கப்பட்டது.
தண்டப்பணம் செலுத்த தவறும் பட்சத்தில் இரண்டு மாதம் கடூழிய சிறைத்தண்டனை வழங்கிய நீதிபதி 10 ஆம் மற்றும் 11 ஆம் குற்றச்சாட்டுகளுக்கு மரண தண்டனையும் வழங்கி தீர்ப்பளித்திருந்தார்.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026