2027 வரவு செலவுத் திட்டம் : இரண்டாம் வாசிப்பு மீதான விவாதம் இன்று ஆரம்பம்!

Parliament of Sri Lanka Anura Kumara Dissanayaka Budget 2027

By Sathangani Nov 13, 2026 03:38 AM GMT

Sathangani

in சமூகம்

Report

புதிய இணைப்பு

இன்றைய நாடாளுமன்ற நடவடிக்கைகள், சபாநாயகர் ஜகத் விக்ரமரத்ன தலைமையில் சற்று முன்னர் ஆரம்பமாகியுள்ளன.

காலை 09.30 முதல் 10.00 வரை வாய்மூல விடைக்கான வினாக்கள் இடம்பெறவுள்ளதோடு, காலை 10.00 முதல் மாலை 06.00 வரை 2027 இரண்டாம் வாசிப்பு விவாதம் மீதான விவாதம் இடம்பெறவுள்ளது.

முதலாம் இணைப்பு

தேசிய மக்கள் சக்தி அரசாங்கத்தின் மூன்றாவது வரவு செலவுத் திட்டமான 2027ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான விவாதம் இன்று (13) ஆரம்பமாகவுள்ளது.

2027 நிதியாண்டுக்கான வரவு செலவுத் திட்ட முன்மொழிவுகள் ஜனாதிபதியும் நிதி அமைச்சருமான அநுரகுமார திசாநாயக்கவினால் நேற்று (12) நாடாளுமன்றத்தில் சமர்ப்பிக்கப்பட்டது.

இதன்படி, தொடர்ந்து ஏழு நாட்களுக்கு இடம்பெறவுள்ள இந்த விவாதத்தின் மீதான வாக்கெடுப்பு எதிர்வரும் 20ஆம் திகதி நடத்தப்படவுள்ளதாக தெரிவிக்கப்படுகின்றது.

இறுதி வாக்கெடுப்பு

இதனையடுத்து, வரவு செலவுத் திட்டத்தின் மூன்றாம் வாசிப்பு அல்லது குழுநிலை விவாதம் எதிர்வரும் 21ஆம் திகதி முதல் டிசம்பர் 14ஆம் திகதி வரை 19 நாட்களுக்கு நடைபெறவுள்ளது.

2027 வரவு செலவுத் திட்டம் : இரண்டாம் வாசிப்பு மீதான விவாதம் இன்று ஆரம்பம்! | Debate On 2027 Budget Second Reading Begins Today

அரசாங்க விடுமுறை நாட்கள் மற்றும் ஞாயிற்றுக்கிழமைகள் தவிர்ந்த, சனிக்கிழமைகள் உட்பட ஏனைய அனைத்து நாட்களிலும் முற்பகல் 9.30 மணிக்கு இந்த வரவு செலவுத் திட்ட விவாதங்களுக்காக நாடாளுமன்றம் கூடவுள்ளது.

அத்துடன் விவாதத்தின் முடிவில் மூன்றாம் வாசிப்பு மீதான இறுதி வாக்கெடுப்பு டிசம்பர் 14ஆம் திகதி மாலை 6.00 மணிக்கு நடைபெறவுள்ளதாக அறிவிக்கப்பட்டுள்ளது.

அமைச்சரவை அங்கீகாரம்

2027ஆம் ஆண்டுக்கான வரவு செலவுத் திட்டத்துடன் தொடர்புடைய ஒதுக்கீட்டுச் சட்டமூலம் கடந்த ஒக்டோபர் 7ஆம் திகதி நாடாளுமன்றத்தில் சமர்ப்பிக்கப்பட்டது.

இந்தநிலையில், நேற்று (12) காலை ஜனாதிபதி செயலகத்தில் நடைபெற்ற அமைச்சரவைக் கூட்டத்தில் குறித்த ஒதுக்கீட்டுச் சட்டமூலத்திற்கு அமைச்சரவை அங்கீகாரம் வழங்கியிருந்தமை குறிப்பிடத்தக்கது.