வங்காள விரிகுடாவில் நிலவிய ஆழ்ந்த காற்றழுத்த தாழ்வு நிலை வலுவிழப்பு!

Sri Lanka Department of Meteorology Weather

By Sathangani Sep 25, 2026 03:30 AM GMT

Sathangani

in சமூகம்

Report

வங்காள விரிகுடாவில் நிலவும் ஆழ்ந்த காற்றழுத்த தாழ்வு மண்டலம் வலுவிழந்து காற்றழுத்த தாழ்வு மண்டலமாக மாறி வருகின்றதாகவும் எனினும் இதன் தாக்கத்தால் இன்று (25) நாட்டின் பல பகுதிகளில் பலத்த மழையும் பலத்த காற்றும் தொடரும் என்று வளிமண்டலவியல் திணைக்களம் தெரிவித்துள்ளது.

வளிமண்டலவியல் திணைக்களத்தினால் இன்று (25) காலை வெளியிடப்பட்ட வானிலை முன்னறிவிப்பில் இந்த விடயம் குறிப்பிடப்பட்டுள்ளது.

மேலும் அந்த அறிவிப்பில், மேல், சப்ரகமுவ, தென், மத்திய மற்றும் வடமேல் மாகாணங்களில் சில இடங்களில் 75 மில்லிமீற்றருக்கும் அதிகமான மழை பெய்யக்கூடும் என்றும், அப்பகுதிகளில் அவ்வப்போது மழையோ அல்லது இடியுடன் கூடிய மழையோ பெய்யக்கூடும்.

பலத்த காற்று மற்றும் மின்னல் தாக்கம்

காற்றழுத்த தாழ்வு மண்டலம் வலுவிழந்து வருவதால், இலங்கையின் மீது இந்த வானிலை அமைப்பின் தாக்கம் இன்று முதல் படிப்படியாகக் குறையும்.

வங்காள விரிகுடாவில் நிலவிய ஆழ்ந்த காற்றழுத்த தாழ்வு நிலை வலுவிழப்பு! | Deep Depression Weakens Showers Above 75Mm

மத்திய மலைநாட்டின் மேற்கு சரிவுகள், வடமத்திய மற்றும் வடமேல் மாகாணங்கள் மற்றும் திருகோணமலை, அம்பாந்தோட்டை மற்றும் மாத்தளை மாவட்டங்களில் அவ்வப்போது மணிக்கு 30 முதல் 40 கிலோமீற்றர் வேகத்தில் பலத்த காற்று வீசக்கூடும்.

இடியுடன் கூடிய மழையின் போது ஏற்படக்கூடிய தற்காலிகமான பலத்த காற்று மற்றும் மின்னல் ஆகியவற்றிலிருந்து தங்களைப் பாதுகாத்துக்கொள்ளத் தேவையான முன்னெச்சரிக்கை நடவடிக்கைகளை மேற்கொள்ளுமாறு பொதுமக்களுக்கு அறிவுறுத்தப்பட்டுள்ளது.

இதேவேளை, நேற்றைய நாளில் அதிகபட்ச வெப்பநிலையான 35.7 பாகை செல்சியஸ் முல்லைத்தீவு வளிமண்டலவியல் நிலையத்தில் இருந்து பதிவாகியுள்ளது.