நீதிமன்ற அறையில் இருந்த கைதிக்கு ஏற்பட்ட துயரம்
ஹிங்குராக்கொட நீதவான் நீதிமன்றத்தில் முற்படுத்தப்படுவதற்காக நீதிமன்ற அறையில் வைக்கப்பட்டிருந்த கைதி ஒருவர் சுகவீனமடைந்து மருத்துவமனையில் அனுமதிக்கப்பட்ட பின்னர் உயிரிழந்ததாக காவல்துறையினர் தெரிவித்தனர்.
காவல்துறையின் தகவலின்படி, இறந்தவர் செவ்வாய்க்கிழமை (14) பொலனறுவை விளக்கமறியல் சிறைச்சாலையிலிருந்து அழைத்து வரப்பட்ட கைதியாவார். அவர் பொலனறுவையைச் சேர்ந்த 74 வயதுடையவர் என அடையாளம் காணப்பட்டுள்ளார்.
புத்தர் சிலை திருடப்பட்டதாகக் கூறப்படும் வழக்கு
மின்னேரியவில் புத்தர் சிலை திருடப்பட்டதாகக் கூறப்படும் வழக்கு தொடர்பாக அந்த நபர் நீதிமன்றத்தில் முற்படுத்தப்பட்டார். நீதிமன்றத்தால் அவருக்கு பிணை வழங்கப்பட்ட போதிலும், அவர் சார்பாக யாரும் பிணை எடுக்க முன்வராததால், அவர் பொலனறுவை விளக்கமறியல் சிறையில் இருந்தார்.
ஹிங்குராக்கொட நீதிமன்ற அறையில் இருந்தபோது, கைதி சுகவீனமடைந்து மருத்துவமனையில் அனுமதிக்கப்பட்டு பின்னர் உயிரிழந்ததாகக் கூறப்படுகிறது.
சம்பவம் குறித்து ஹிங்குராக்கொட காவல்துறையினர் மேலதிக விசாரணைகளை ஆரம்பித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சுழிபுரம் மேற்கு, London, United Kingdom
21 Apr, 2024
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
