மது போதையில் குழப்பம் - 6 புலம்பெயர் தமிழர்கள் விளக்கமறியலில்
யாழ்ப்பாணத்தில் மது போதையில் குழப்பம் விளைவித்த 6 புலம்பெயர் தமிழர்கள் விளக்கமறியலில் வைக்கப்பட்டுள்ள நிலையில், அவர்களுடன் இருந்த நான்கு பெண்கள் பிணையில் செல்ல அனுமதிக்கப்பட்டுள்ளனர்.
வெளிநாட்டில் இருந்து தாயகம் திரும்பியவர்கள் , வவுனியா பகுதியில் இருந்து யாழ்ப்பாணம் காரைநகர் கசூரினா கடற்கரைக்குச் சென்று நேற்று முன்தினம்(23) பொழுதை கழித்துள்ளனர்.
காவல்துறையினருடன் முரண்பாடு
அதன் போது, அவர்களில் ஒருவரின் மோதிரத்தை காணவில்லை என , கடற்கரையில் கடமையில் இருந்த உயிர்காப்பு பிரிவைச் சேர்ந்த காவல்துறையினருடன் வாக்குவாதப்பட்டு, அவர்களுடன் முரண்பட்டுள்ளனர்.
அது தொடர்பில் உயிர்காப்பு பிரிவைச் சேர்ந்த காவல்துறையினர் வட்டுக்கோட்டை காவல்துறையினருக்கு அறிவித்ததை அடுத்து, கடற்கரைக்கு விரைந்த காவல்துறையினர் 06 ஆண்கள் 4 பெண்கள் என 10 பேரை கைது செய்தனர்.
மேலதிக விசாரணை
கைது செய்தவர்களை வட்டுக்கோட்டை காவல் நிலையத்திற்கு கொண்டு சென்று மேலதிக விசாரணைகளுக்கு பின்னர் மல்லாகம் நீதவான் நீதிமன்றில் முற்படுத்திய வேளை, 4 பெண்களையும் பிணையில் செல்ல அனுமதித்த மன்று , 06 ஆண்களையும் விளக்கமறியலில் வைக்க உத்தரவிட்டது.
விளக்கமறியலில் வைக்கப்பட்டுள்ளவர்களில் ஐந்து பேர் கனேடிய பிரஜைகள் எனவும், ஒருவர் லண்டன் பிரஜை எனவும் காவல்துறையினர் தெரிவித்தனர்.
உலகமெங்கும் உழைப்பால் தடம் பதிக்கும் ஈழத் தமிழர்கள்… 15 மணி நேரம் முன்
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024