நாட்டை உலுக்கிய தியத்தலாவை விபத்து: சிகிச்சை பெற்று வந்த மாணவி உயிரிழப்பு
தியத்தலாவை (Diyatalawa) ஃபொக்ஸ் ஹில் கார் பந்தயத்தின் (Fox Hill Supercross 2024) போது இடம்பெற்ற விபத்தில் படுகாயமடைந்த பாடசாலை மாணவி உயிரிழந்துள்ளார்.
அவர் பதுளை (Badulla) பொது வைத்தியசாலையின் தீவிர சிகிச்சை பிரிவில் சிகிச்சை பெற்று வந்த நிலையில், நேற்று (15) இரவு சிகிச்சை பலனின்றி உயிரிழந்ததாக தெரிவிக்கப்படுகின்றது.
தியத்தலாவை காவல்துறை பிரிவிற்குட்பட்ட கல்எதண்ட பிரதேசத்தில் வசித்து வந்த 16 வயதான சிறுமியே இவ்வாறு உயிரழந்தவராவார்.
7 பேர் உயிரிழப்பு
குறித்த மாணவியின் சடலம் தற்போது பதுளை பொது வைத்தியசாலையின் பிரேத அறையில் வைக்கப்பட்டுள்ளது.
2024 ஃபொக்ஸ் ஹில் மோட்டார் பந்தயம் கடந்த மாதம் 21 ஆம் திகதி தியத்தலாவை நரியகந்த பந்தய திடலில் இடம்பெற்றது.
அன்று மாலை பந்தயத்தில் பங்கேற்றிருந்த கார் ஒன்று பந்தய திடலை விட்டு விலகி விபத்துக்குள்ளானதில் 07 பேர் பரிதாபமாக உயிரிழந்தனர்.
சிகிச்சை பெற்று வந்த மாணவி
பந்தய உதவியாளர்கள் நான்கு பேரும், பார்வையாளர்கள் மூன்று பேரும் அன்று குறித்த விபத்தில் உயிரிழந்ததாக தெரிவிக்கப்பட்டது.
இதேவேளை விபத்தில் காயமடைந்து தீவிர சிகிச்சை பெற்று வந்த பாடசாலை மாணவியொருவரும் நேற்று சிகிச்சை பலனின்றி உயிரிழந்துள்ளார்.
இந்த நிலையில் உயிரிழந்தவர்களின் எண்ணிக்கை 08 ஆக அதிகரித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
