மகிந்தவின் விமானத்திற்கு ஏவுகணை தாக்குதல்: எக்னெலிகொட தெரிவித்ததாக மன்றில் வெளிப்படுத்திய சாட்சியம்

ஜனாதிபதி மஹிந்தவின் விமானத்திற்கு ஏவுகணை தாக்குதல் நடத்தினால் ஆட்சியை மாற்றலாம் என பிரகீத் எக்னெலிகொட தெரிவித்ததாக முறைப்பாட்டுத் தரப்புச் சாட்சி சுமதிபால சுரேஷ் குமார் என்ற முரளி தெரிவித்துள்ளார்.

ஊடகவியலாளர் பிரகீத் எக்னெலிகொட கடத்தப்பட்டு காணாமல் ஆக்கப்பட்டதாக தெரிவிக்கப்படும் வழக்கு விசாரணை இன்று (16-10-2026) கொழும்பு 7, விஜேராம மாவத்தையில் அமைக்கப்பட்டுள்ள நிரந்தர மூவர் கொண்ட மேல் நீதிமன்றத்தில் நடைபெற்றது.

தலைமை நீதிபதி நயனா செனவிரத்ன, நளின் ஹேவாவசம் மற்றும் லக்மாலி ஹேவாவசம் ஆகியோர் அடங்கிய நீதிபதிகள் குழு முன்னிலையில் இந்த வழக்கு விசாரிக்கப்பட்டது.

சிராஜ் நகர் 97ஆம் சந்தியில் பேருந்து தரிப்பிடம் இன்றி மக்கள் அவதி!

குறுக்கு விசாரணை

இதன்போது முறைப்பாட்டு தரப்பின் நான்காவது சாட்சியான சுமதிபால சுரேஷ் குமார் என்ற முரளி என்பவரிடம் 9 ஆவது எதிரி சார்பில் முன்னிலையான சட்டத்தரணி அசித் சிறிவர்தன குறுக்கு விசாரணை செய்தார்.

அப்போது, "நீங்கள் தம்புள்ளை, ஹபரணை வத்தை என்ற இடத்தில் எக்னெலிகொடவை சந்தித்த போது அவர் ஏவுகணையை வீசி அப்போதைய நாட்டின் தலைவரை கொல்ல வேண்டும் என உங்களிடம் கூறியதாக வாக்குமூலம் அளித்துள்ளீர்கள் அல்லவா?" என சட்டத்தரணி வினவினார்.

அதற்கு சாட்சி "ஆம்" என பதிலளித்ததுடன் "அப்போது நாட்டின் தலைவராக இருந்தவர் மகிந்த ராஜபக்ச தானே?" என சட்டத்தரணி மீண்டும் வினவ, சாட்சி "ஆம்" என பதிலளித்தார்.

இதன் பின்னர் இது தொடர்பில் பிரதி சொலிசிட்டர் ஜெனரல் வசந்த பெரேரா மீண்டும் விசாரணை செய்தார்.

இலங்கையின் கீர்த்தி பெற்ற காவன்திஸ்ஸ யானை உயிரிழப்பு!

புலனாய்வு பிரிவு

மேலும் வினவிய அவர் "நீங்கள் இராணுவத்திடம் சரணடைவதற்கு முன் விடுதலைப் புலிகளின் புலனாய்வு பிரிவுடன் சென்று ஹபரணையில் எக்னெலிகொடவை சந்தித்ததாக இன்று எதிர்த்தரப்பு குறுக்கு விசாரணையின் போது கூறினீர்கள்.

அங்கு அரச தலைவரை கொல்வது குறித்து எக்னெலிகொட கூறியதாகவும் கூறப்பட்டது.

ஆனால் இதற்கு முன் ஒரு நாள் முதல் எதிரி சார்பில் அந்த சம்பவம் குறித்து கேட்ட போது அது ஒரு உதாரணமாக கூறப்பட்டது என்று நீங்கள் கூறினீர்கள் அல்லவா, அதனை தெளிவுபடுத்த முடியுமா ?" என அவர் கேட்டார்.

யாழில் பாதுகாப்பு படையினர் வசமிருந்த 11.23 ஏக்கர் காணி விடுவிப்பு!

ஜனாதிபதி விமானம்

அதற்கு சாட்சியான முரளி, "நானும், நாதன் ஐயாவும், எக்னெலிகொட ஐயாவும் ஹபரணை வத்தையில் பேசிக் கொண்டிருந்தோம். நானும் நாதன் ஐயாவும் யுத்தம் முடிந்துவிட்டதால் இனி சுதந்திரமாக வாழ முடியும் என்று கூறினோம்.

அப்போது எக்னெலிகொட யுத்தம் முடிந்தாலும் அனைத்து பிரச்சினைகளும் அப்படியே தான் இருக்கின்றன என்றார்.

பின்னர் நானும் நாதனும் அவற்றை முடிவுக்கு கொண்டு வரவோ, மாற்றவோ முடியாது. இந்த ஆட்சி இன்னும் 20 வருடங்களாவது இருக்கும் என்று கூறினோம்.

அப்போது எக்னெலிகொட இதை இன்று நினைத்தால் இன்றே மாற்ற முடியும் என்றார். நாங்கள் எப்படி என்று கேட்டோம்.

அவர் ஜனாதிபதி விமானத்தில் செல்கிறார். அதன் மீது ஏவுகணையை வீசினால் எல்லாம் மாறிவிடும் என்று கூறினார்." என தெரிவித்துள்ளார்.

யாழில் பாதுகாப்பு படையினர் வசமிருந்த 11.23 ஏக்கர் காணி விடுவிப்பு!