நிரம்பி வழியும் சிறைச்சாலைகள் : நீதி அமைச்சர் எடுத்துள்ள தீர்மானம்

Dr Wijeyadasa Rajapakshe Sri Lanka

By Beulah Dec 28, 2023 02:04 AM GMT

Beulah

in சமூகம்

Report

'யுக்தியா' நடவடிக்கையால் கைது செய்யப்பட்டு சிறையில் அடைக்கப்பட்டுள்ள கைதிகளின் எண்ணிக்கை நாளுக்கு நாள் அதிகரித்து வருவதால், சிறைச்சாலைகள் நிரம்பி வழிவதாகவும், கைதிகளை மாற்று கட்டிடங்களில் தங்கவைக்க நடவடிக்கை எடுக்கப்படும் என நீதி அமைச்சர் விஜயதாச ராஜபக்ச தெரிவித்துள்ளார்.

நீதி நடவடிக்கை தொடங்கியதில் இருந்து நாடு முழுவதும் உள்ள இருபத்தெட்டு சிறைகளில் 2 இருநூற்று ஐம்பத்தைந்துக்கும் மேற்பட்ட புதிய கைதிகள் கைது செய்து வைக்கப்பட்டுள்ளனர்.

அத்துடன், நீதி நடவடிக்கை ஆரம்பிக்கப்படுவதற்கு முன்னர் நாட்டின் சிறைச்சாலைகளில் இருபத்தெட்டாயிரம் கைதிகள் இருந்ததாக சிறைச்சாலைகள் ஆணையாளர் நாயகம் துஷார உபுல்தெனிய தெரிவித்திருந்தார்.

பெண் கைதிகள்

பொதுவாக இந்நாட்டின் சிறைகளில் சுமார் 11,000 பேர் தடுத்து வைக்கப்படலாம். இதேவேளை, பெண் கைதிகளின் எண்ணிக்கையும் 800 இருந்து 1124ஆக அதிகரித்துள்ளது.

நிரம்பி வழியும் சிறைச்சாலைகள் : நீதி அமைச்சர் எடுத்துள்ள தீர்மானம் | Empty Government Buildings Become Prisons

இந்நிலையில், சிறைச்சாலைகளில் நிலவும் நெரிசலுக்கு நீண்டகால தீர்வாக மில்லனிய பிரதேசத்தில் ஐம்பது ஏக்கர் காணி தெரிவு செய்யப்பட்டு அங்கு கட்டிடங்கள் அமைக்க திட்டமிடப்பட்டுள்ளது.

தற்காலிக தீர்வு

ஆனால் தற்போதைய நிலவரத்தை கருத்தில் கொண்டு, அரசாங்கத்திற்கு சொந்தமான பாதுகாப்பான வெற்றுக் கட்டிடங்கள் அடையாளம் காணப்பட்டு, சிறைச்சாலைகளில் உள்ள அதிகப்படியான கைதிகள் அந்தக் கட்டிடங்களுக்கு அனுப்பப்படுவார்கள் என்று நீதி அமைச்சர் விஜயதாச ராஜபக்ஷ தெரிவித்தார்.