பிள்ளையான் தொடர்பில் வெளிவரும் உண்மைகள்

TNA Sivanesathurai Santhirakanthan Liberation Tigers of Tamil Eelam

By Vanan Sep 17, 2023 03:11 AM GMT

Vanan

in அரசியல்

Report

பிள்ளையான் எனப்படும் இராஜாங்க அமைச்சர் சிவநேசதுரை சந்திரகாந்தன் அரச அதிகாரிகளுக்கு மிரட்டல் விடுத்து தரகுப்பணம் பெறுவதாக தமிழ்த்தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் கோவிந்தன் கருணாகரன் பகிரங்க குற்றச்சாட்டை முன்வைத்துள்ளார்.

நேற்றைய தினம் (15) ஊடகவியலாளர் ஒருவரின் கேள்விக்கு பதிலளிக்கையிலேயே அவர் இவ்வாறு தெரிவித்துள்ளார்.

நகைப்புக்குரிய விடயம்

அவர் மேலும் பதில் அளிக்கையில், “தமிழீழ விடுதலைப் புலிகள் இயக்கம் ஒரு பயங்கரவாத இயக்கம் என அமைச்சர் சிவநேசதுரை சந்திரகாந்தன் கூறுவதை ஏற்றுக்கொள்ள முடியாது.

பிள்ளையான் தொடர்பில் வெளிவரும் உண்மைகள் | Facts Coming Out About Pillaiyan

பிள்ளையான் சுமார் 14 வருடங்கள் தமிழீழ விடுதலைப் புலிகளுடன் தான் இருந்தார். அந்த 14 வருட காலப்பகுதியில் தோன்றாத எண்ணம் தற்போது தோன்றுகின்றமை நகைப்புக்குரிய விடயமாகும்.

பிள்ளையான் என்பவர் மாவட்ட அபிவிருத்திக்குழு தலைவராக செயற்படுவதினை தவிர்த்து அதிகாரிகளை மிரட்டுதல், அதிகாரிகளின் உதவியுடன் கிரவல் மண் அகழ்விற்கு அனுமதியளித்து அதன் ஊடாக கிடைக்கும் தரகு பணத்தினை பெறுதல் போன்ற விடயங்களிலேயே அதிகளவு ஈடுபட்டு வருவதாகவும் அவர் குறிப்பிட்டுள்ளார்.