பிரபல டைட்டானிக் நடிகர் பெர்னார்ட் ஹில் மரணம்! சோகத்தில் ஹாலிவுட்
பிரபல ஹாலிவுட் நடிகர் பெர்னார்ட் ஹில் (Bernard Hill) உடல்நலக்குறைவு காரணமாக இன்று (5) உயிரிழந்துள்ளார்.
எனினும், பெர்னார்ட் ஹில்லின் மரணம் தொடர்பில் அவரது குடும்பத்தினர் இதுவரை எந்தவொரு தகவலும் வெளியிடல்லை.
உடல்நலக்குறைவு காரணமாக 79 வயதில் பெர்னார்ட் ஹில் உயிரிழந்துள்ளதாக டைட்டானிக் படத்தில் இவருடன் நடித்த பார்பரா டிக்சன் ( Barbara Dickson) தனது அதிகாரப்பூர்வ எக்ஸ் தளத்தில் தெரிவித்துள்ளார்.
பிரபல நடிகர்
உலகளவில் மிகவும் பிரபலமான திரைப்படமான டைட்டானிக்கில் (Titanic ) கேப்டன் எட்வார்ட் ஜான் ஸ்மித் என்ற கதாபாத்திரத்தில் நடித்து புகழ்பெற்றவர் பெர்னார்ட் ஹில், தி லார்ட் ஆஃப் தி ரிங்ஸ் (Lord Of The Rings) மற்றும் பல்வேறு படங்களிலும் நடித்துள்ளார்.
இந்த நிலையில், பெர்னார்ட் ஹில் உயிரிழந்தமை ஹாலிவுட் திரையுலகில்மாத்திரமின்றி உலகம் முழுவதுமுள்ள அவரது ரசிகர்களை துயரத்தில் ஆழ்த்தியுள்ளது.
இது தொடர்பில் பார்பரா டிக்சன் வெளியிட்டுள்ள பதிவில் குறிப்பிடப்பட்டுள்ளதாவது, "பெர்னார்ட் ஹில் உயிரிழந்தார் என்ற தகவலை மிகவும் துயரத்துடன் பகிர்ந்து கொள்கிறேன்.
நாங்கள் இருவரும் ஜான் பால் ஜார்ஜ் ரிங்கோ (John Paul George Ringo) மற்றும் பெர்ட் (Bert), வில்லி ரசல் (Willy Russell) போன்ற அற்புதமான நிகழ்ச்சிகளில் இணைந்து பணியாற்றி இருக்கிறோம். அவருடன் இணைந்து பணியாற்றியது பெருமையாக உள்ளது. ஆழ்ந்த இரங்கல் பென்னி" என குறிப்பிடப்பட்டுள்ளது.
It’s with great sadness that I note the death of Bernard Hill. We worked together in John Paul George Ringo and Bert, Willy Russell marvellous show 1974-1975. A really marvellous actor. It was a privilege to have crossed paths with him. RIP Benny x#bernardhill pic.twitter.com/UPVDCo3ut8
— Barbara Dickson (@BarbaraDickson) May 5, 2024
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
