நோபல் அமைதிப் பரிசு பெற்றார் நவி பிள்ளை: அனைத்துலகத் தமிழர் பேரவை வாழ்த்து

Tamils

By Shalini Balachandran Oct 12, 2026 10:48 PM GMT

Shalini Balachandran

in சமூகம்

Report

2026 ஆம் ஆண்டிற்கான நோபல் அமைதிப் பரிசுக்குத் தேர்வாகியுள்ள முன்னாள் ஐ.நா உயர்ஸ்தானிகர் நவநீதம் நவி பிள்ளையிற்கு அனைத்துலகத் தமிழர் பேரவை (FGT) தனது மனமார்ந்த வாழ்த்துகளைத் தெரிவித்துள்ளது.

தென்னாப்பிரிக்கத் தமிழ் வம்சாவளியைச் சேர்ந்த இவரது இந்த உயரிய சாதனை, உலகத் தமிழர்கள் அனைவருக்கும் பெருமையையும் ஊக்கத்தையும் அளிப்பதாக அமைவதாக பேரவை குறிப்பிட்டுள்ளது.

நிறவெறிக்கு எதிரான போராட்டம், மனித உரிமைகள், நீதி மற்றும் சட்டத்தின் ஆட்சியை நிலைநிறுத்த அவர் ஆற்றிய வாழ்நாள் பணிக்கான சிறந்த அங்கீகாரமாக இவ்விருது அமைந்துள்ளதாக சுட்டிக்காட்டப்பட்டுள்ளது.

சம வாய்ப்புகள்

கல்வி, சம வாய்ப்புகள் மற்றும் தலைமைத்துவத்தின் மூலம் புலம்பெயர் சமூகங்களை வலுப்படுத்த வேண்டியதன் முக்கியத்துவத்தை இவரது வெற்றியானது வெளிப்படுத்துவதாக குறிப்பிடப்பட்டுள்ளது.

நோபல் அமைதிப் பரிசு பெற்றார் நவி பிள்ளை: அனைத்துலகத் தமிழர் பேரவை வாழ்த்து | Fgt Congratulates Navi Pillay On Nobel Prize

மனித கண்ணியத்தைப் பாதுகாக்கவும், பாகுபாடுகளற்ற நீதியும் அமைதியும் நிறைந்த உலகை உருவாக்கவும் நவி பிள்ளையின் வாழ்க்கை எதிர்காலத் தலைமுறைக்கு வழிகாட்டும் என பேரவையின் தலைவர் நிமல் விநாயகமூர்த்தி தெரிவித்துள்ளமை குறிப்பிடத்தக்கது.