கொழும்பில் குடிநீர் போத்தலை அதிக விலைக்கு விற்ற உணவகத்திற்கு 10 லட்சம் அபராதம்

Colombo Sri Lanka Police Investigation

By Pavi Oct 01, 2026 12:31 PM GMT

Pavi

in சமூகம்

Report

அதிகபட்ச சில்லறை விலையை மீறி குடிநீர் போத்தலை விற்பனை செய்த பம்பலப்பிட்டி பகுதியில் உள்ள உணவகம் ஒன்றுக்கு ஒரு மில்லியன் ரூபா (ரூ.10 இலட்சம்) அபராதம் விதிக்கப்பட்டுள்ளது.

கொழும்பு 04, காலி வீதியில் அமைந்துள்ள குறித்த நிறுவனத்திற்கு எதிராக தொடரப்பட்ட வழக்கில் கொழும்பு பிரதான நீதவான் நீதிமன்றம் இந்த அபராதத்தை விதித்துள்ளது.

குற்றச்சாட்டை குறித்த நிறுவனம் ஒப்புக்கொண்டதையடுத்து இந்த அபராதம் விதிக்கப்பட்டுள்ளது.

நுகர்வோர் அலுவல்கள் அதிகாரசபை

2492/29 ஆம் இலக்க அதிவிசேட வர்த்தமானியில் வெளியிடப்பட்ட 96 ஆம் இலக்க உத்தரவின்படி, 500 மில்லிலீற்றர் முதல் 999 மில்லிலீற்றர் வரையான போத்தலில் அடைக்கப்பட்ட குடிநீரின் அதிகபட்ச சில்லறை விலை 80 ரூபாவாக நிர்ணயிக்கப்பட்டுள்ளது.

கொழும்பில் குடிநீர் போத்தலை அதிக விலைக்கு விற்ற உணவகத்திற்கு 10 லட்சம் அபராதம் | Fined Selling Drinking Water Inflated Price

இருப்பினும், குறித்த உணவகம் 500 மில்லி லீற்றர் தண்ணீர் போத்தலை 100 ரூபாவிற்கு விற்பனை செய்துள்ளதாக நுகர்வோர் அலுவல்கள் அதிகாரசபை வழக்குத் தொடர்ந்திருந்தது.

அதிகபட்ச சில்லறை விலை நிர்ணயிக்கப்பட்டுள்ள குடிநீர் போத்தலை உணவகங்கள் அல்லது விடுதிகள் உட்பட எந்தவொரு வர்த்தக நிலையத்திலும் அந்த விலையை விட அதிக விலைக்கு விற்பனை செய்ய முடியாது என நுகர்வோர் அலுவல்கள் அதிகாரசபை தெரிவித்துள்ளது.

இதனால் குறித்த வர்தக கடைக்கு அபராதம் விதிக்கப்பட்டமை கறிப்பிடத்தக்கது.