ஹிட்லரின் ஈகிள்ஸ் நெஸ்ட் மலை மாளிகையில் தீ விபத்து

By Dharu Oct 24, 2026 07:55 PM GMT

Dharu

in உலகம்

Report

ஜெர்மனியின் தெற்குப் பகுதியில் அமைந்துள்ள பவேரியா மாநிலத்தில், நாஜி தலைவர் அடோல்ஃப் ஹிட்லரின் முன்னாள் மலை ஓய்விடமான கெல்ஸ்டைன்ஹாஸ், ஈகிள்ஸ் நெஸ்ட் என அழைக்கப்படும் கட்டிடத்தில் ஏற்பட்ட தீ விபத்து ஏற்பட்டுள்ளது.

இந்த சம்பவம் தொடர்பாக 33 வயதுடைய ஜேர்மன் நபர் ஒருவர் அந்நாட்டு காவல்துறையால் கைது செய்யப்பட்டுள்ளார்.

தீயைக் கட்டுப்படுத்துவதற்காக சுமார் 200 அவசரகாலப் பணியாளர்கள் சம்பவ இடத்தில் பணியில் ஈடுபடுத்தப்பட்டதாக கூறப்படுகிறது.

தீயைக் கட்டுப்படுத்துவதில் சிரமம்

எனினும், கடினமான நிலப்பரப்பு காரணமாக தீயைக் கட்டுப்படுத்துவதில் சிரமம் ஏற்பட்டதாகவும், இன்று அதிகாலை வரை தீ தொடர்ந்து எரிந்ததாகவும் அந்நாட்டு காவல்துறை தெரிவித்துள்ளனர்.

ஹிட்லரின் ஈகிள்ஸ் நெஸ்ட் மலை மாளிகையில் தீ விபத்து | Fire At Hitlers Eagles Nest Mountain Retreat

தீ விபத்துக்கான காரணம் மற்றும் சந்தேகநபரின் நோக்கம் குறித்து விசாரணைகள் முன்னெடுக்கப்பட்டு வருவதாக ஜேர்மன் ஊடகங்கள் செய்தி வெளியிட்டுள்ளன.

இதற்கிடையில், 33 வயதுடைய சந்தேகநபருக்கு மனநலப் பாதிப்பு இருக்கக்கூடும் என்பதற்கான அறிகுறிகள் காணப்படுவதாகவும், இதனால் அவரது குற்றப் பொறுப்புடைமை குறைந்திருக்கலாம் எனவும் மனநல மதிப்பீட்டு அறிக்கை சுட்டிக்காட்டியுள்ளதாக ஜெர்மனியின் அரசுத் தரப்புகள் கூறியுள்ளன.