வெளிநாடொன்றில் இலங்கையர் மீது துப்பாக்கிசூடு

Shooting Sri Lanka Kuwait

By Sumithiran Feb 23, 2024 05:04 PM GMT

Sumithiran

in குற்றம்

Report

வெளிநாடொன்றில் பலவருடங்களாக பணிபுரியும் இலங்கையர் ஒருவர் மீது நடத்தப்பட்ட துப்பாக்கி பிரயோகத்தில் அவர் படுகாயமடைந்து வைத்தியசாலையில் அனுமதிக்கப்பட்டுள்ளார்.

ராஜாங்கனையைச் சேர்ந்த கே.பி.லக்ஸ்மன் திலகரத்ன என்ற 44 வயதுடைய இரண்டு பிள்ளைகளின் தந்தையே இவ்வாறு சுடப்பட்டு படுகாயமடைந்தவராவார்.

கடந்த 8 வருடங்களாக குவைத்தில் பணிபுரிந்து வரும் இவர் மீதே துப்பாக்கிசூடு நடத்தப்பட்டுள்ளது.

உணவு ஓடர் தாமதமாக எடுத்து வந்ததாக கூறி

உணவு ஓடர்களை எடுத்துச் செல்லும் சாரதியாக அவர் தனது வேலையைச் செய்து வந்துள்ள நிலையில், கடந்த ஜனவரி 10 ஆம் திகதி கிடைக்கப்பெற்ற ஓடரை எடுத்துச் செல்லும் போது இந்த துப்பாக்கிச் சூடு நடத்தப்பட்டுள்ளது.

வெளிநாடொன்றில் இலங்கையர் மீது துப்பாக்கிசூடு | Firing On A Sri Lankan Abroad

உணவு ஓடர் தாமதமாக எடுத்து வந்ததாக கூறி சம்பந்தப்பட்ட வாடிக்கையாளர் தன்னை சுட்டதாக காயமடைந்த நபர் தெரிவித்துள்ளார்.

துப்பாக்கிச்சூட்டில் அடிவயிற்றில் பலத்த காயம் ஏற்பட்டுள்ளதாகவும், அவருக்கு 30 தையல்கள் போடப்பட்டதாகவும் கூறப்படுகிறது.

காரை இடையில் நிறுத்திவிட்டு

துப்பாக்கிச் சூட்டில் காயம் அடைந்தவர் மீண்டும் தனது காரில் வந்து காரை இடையில் நிறுத்திவிட்டு தனது இந்தோனேஷிய நண்பருக்கு அழைத்து நடந்த சம்பவத்தை கூறியுள்ளார். அதன் பிறகு அவர் வைத்தியசாலையில் அனுமதிக்கப்பட்டார்.

வெளிநாடொன்றில் இலங்கையர் மீது துப்பாக்கிசூடு | Firing On A Sri Lankan Abroad

பாதிக்கப்பட்ட நபருக்கு 13 வயது மற்றும் 10 வயதுடைய இரண்டு மகள்கள் உள்ள நிலையில் தனக்கு நீதியை பெற்றுக் கொடுத்து, மீண்டும் நாட்டுக்கு அழைத்துக் கொள்ளுமாறு அவர் கோரிக்கை விடுத்துள்ளார்.

செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...!

மேலும் இது தொடர்பான செய்திகளைப் படிக்க இங்கே கிளிக் செய்யவும்