எதிர்காலத்திற்காக கடந்த கால பிரச்சினைகளை மறக்க வேண்டும் : சம்பிக்க ரணவக்க வலியுறுத்தல்
கடந்த கால பிரச்சினைகளையும் வலிகளையும் மறந்து விட்டு நிரந்தரமாக புதிய வாழ்க்கையை கட்டியெழுப்ப வேண்டும் என நாடாளுமன்ற உறுப்பினர் பாட்டலி சம்பிக்க ரணவக்க தெரிவித்துள்ளார்.
அவரும் மோதல்கள் ஏற்படும் போது வெறுப்புடன் செயற்பட்டதாகவும், பிள்ளைகளுக்காக கடந்த கால பிரச்சினைகளை மறந்துவிட வேண்டும் எனவும் தெரிவித்தார்.
அண்மையில் நடைபெற்ற ஐக்கிய குடியரசு முன்னணியின் கிழக்கு மாகாண, மட்டக்களப்பு மாவட்ட மாநாட்டில் உரையாற்றிய போதே அவர் இவ்வாறு குறிப்பிட்டார்.
மோதல்கள் காரணமாக
இது தொடர்பில் அவர் மேலும் தெரிவிக்கையில் ......
“போர் மோதல்கள் காரணமாக மக்கள் இறந்த மற்றும் காணாமல் போன கிராமங்களிலிருந்து மக்கள் வெளியேற்றப்பட்ட ஒரு காலமும் எங்களுக்கு இருந்தது.
அந்த மோதல்களில் நானும் தலையிட்டேன். அப்போது நாங்கள் கோபத்துடனும் வெறுப்புடனும் செயற்பட்டோம்.
இப்போது, நாம் இங்கிருந்து முன்னேற விரும்பினால், கடந்த காலத்தில் வாழ முடியாது. கடந்த கால வலிகள், வடுக்கள், கொலைகள் என்று நினைத்துக் கொண்டிருக்கிறோம்.
கடந்த கால சம்பவத்தை சிங்கள, தமிழ், முஸ்லிம் மக்கள் மறந்து மன்னித்து முன்னேற வேண்டும். திறமையான இளைஞர் சந்ததியினரால் நாட்டை சுமக்க இளைஞர்கள் வலுவூட்டப்பட வேண்டும்.
வங்குரோத்து நிலையிலிருந்து விடுபடல்
தந்தையிடமிருந்து மகன் வரை அல்லது தாயிடமிருந்து மகள் வரை அல்லது வேறு வழிகளில் பணம் சம்பாதித்தவர்களின் பணம் நாட்டின் அதிகாரத்திற்காக அரசியலுக்கு அடிபணியக்கூடாது.“
தனது கட்சியில் முதலாளித்துவமோ சோசலிசமோ இல்லை என்று கூறும் உறுப்பினர் தகுதி மட்டுமே தனது கட்சியில் இருப்பதாகவும் குறிப்பிட்டுள்ளார்.
இலங்கை எதிர்நோக்கும் வங்குரோத்து நிலையிலிருந்து விடுபட வடக்கு - தெற்கு, கிழக்கு - மேற்கு என பிரிந்து இருக்காமல் ஒரே இலக்கின் கீழ் அனைவரும் ஒன்றிணைய வேண்டும் என அவர் மேலும் வலியுறுத்தியுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, திருகோணமலை, London, United Kingdom, Birmingham, United Kingdom
21 Jul, 2025
ஆலங்குளாய், சங்கானை, யாழ்ப்பாணம், Dammam, Saudi Arabia, Rheine, Germany, Rushden, United Kingdom
29 Jul, 2024
Kedah, Malaysia, சண்டிலிப்பாய், Cheam, United Kingdom
04 Aug, 2024
