அநுர அரசை எச்சரிக்கும் உதய கம்மன்பில

Anura Kumara Dissanayaka Udaya Gammanpila

By Thulsi Jan 28, 2025 07:20 AM GMT

Thulsi

in அரசியல்

Report

முன்னாள் அரச தலைவர்களின் சலுகைகள் மற்றும் கொடுப்பனவுகள் குறைக்கப்படுவதற்கு சாத்தியம் இல்லை என பிவிதுரு ஹெல உறுமய (PHU) தலைவர் உதய கம்மன்பில (Udaya Gammanpila) தெரிவித்துள்ளார்.

அரசியலமைப்பு மற்றும் உலகளாவிய சட்டக் கோட்பாடுகளின்படி அச்சலுகைகள் குறைக்கப்படவோ அல்லது அகற்றப்படவோ முடியாது என்றும் சுட்டிக்காட்டியுள்ளார்.

ஊடகங்களுக்கு வழங்கிய செவ்வி ஒன்றிலேயே அவர் இவ்வாறு குறிப்பிட்டுள்ளார்.

சம்பளம் மற்றும் கொடுப்பனவு

அங்கு மேலும் கருத்துத் தெரிவித்த அவர், தேசிய மக்கள் சக்தியின் (NPP) விஞ்ஞாபனத்தில் குறிப்பிடப்பட்டுள்ள போதிலும், ஓய்வூதிய பலன்களை ரத்து செய்யவோ அல்லது சீரமைக்கவோ முடியாது என்பதை ஜனாதிபதி அநுர குமார திஸாநாயக்க (Anura Kumara Dissanayake) அறிவார்.

அநுர அரசை எச்சரிக்கும் உதய கம்மன்பில | Former Presidents Pension Allowances In Anura Gov

அதாவது தேசிய மக்கள் சக்தி அறிக்கையை உருவாக்கிய குழுவில் நியாயமான சட்ட அறிவு உள்ள எவரும் பணியாற்றியதாகத் தெரியவில்லை.

ஜனாதிபதியின் பதவியை ஏற்றுக்கொண்டவுடன், அத்தகைய பதவியை வைத்திருப்பவர் அத்தகைய சம்பளம் மற்றும் கொடுப்பனவுகளைப் பெறுவதற்கு உரிமையாளராகிவிடுவார்.

அதன் பின் ஓய்வூதியத்தை பாராளுமன்றம் தீர்மானிக்கும். இந்தச் சட்டப்பிரிவைத் தொடர்ந்து செய்யப்படும் எந்தத் திருத்தமும், ரத்துசெய்தலும் அல்லது மாற்றியமைக்கப்படுதலும், அதைத் தொடர்ந்து செய்யப்படும் சட்டமும் அல்லது இந்தச் சட்டத்திற்கு முரணான எந்த விதியும் பின்னோக்கிச் செயல்படாது என அவர் அரசியலமைப்பின் 36 (2) வது பிரிவை மேற்கோள் காட்டினார்.

ஓய்வூதிய பலன்களை இல்லாது செய்தல்

நியாயமான எதிர்பார்ப்பு கோட்பாட்டின் படி, ஓய்வூதிய பலன்களை இல்லாது செய்தல் போன்று சீரமைக்க முடியாது.

அநுர அரசை எச்சரிக்கும் உதய கம்மன்பில | Former Presidents Pension Allowances In Anura Gov

இதற்கு ஒரு காரணம் இருக்கிறது. எதிர்பார்க்கப்படும் ஓய்வூதியப் பலன்களுக்கு ஏற்ப மக்கள் தங்கள் ஓய்வு கால வாழ்க்கையைத் திட்டமிடுகிறார்கள்.

அதற்கேற்ப பணத்தைச் சேமிக்க முனைகிறார்கள். மக்கள் ஓய்வூதிய பலன்களை எதிர்பார்க்கும் போது, அவர்கள் சேமிப்பதில் ஆர்வம் காட்டுவதில்லை என உதய கம்மன்பில (Udaya Gammanpila) தெரிவித்துள்ளார்.