ரணிலுக்கு கொடுக்கப்பட்ட நான்கு அஸ்திரங்கள்! தாமதித்தால் ஆபத்து
Vanan
in பொருளாதாரம்
நாட்டின் பொருளாதாரத்தை சிறந்த முறையில் மீட்டெடுப்பதற்கு முதல் கட்டமாக அரசாங்கம் உடனடியாக நடைமுறைப்படுத்தத் தொடங்க வேண்டிய நான்கு முக்கியமான நடவடிக்கைகளை இலங்கை மத்திய வங்கியின் (CBSL) முன்னாள் ஆளுநர் இந்திரஜித் குமாரசுவாமி அடையாளம் காட்டியுள்ளார்.
அதிபர் ரணில் விக்ரமசிங்க மிகக் கடுமையான நடவடிக்கைகளை நடைமுறைப்படுத்தாவிடின், நாட்டின் பொருளாதாரம் அதள பாதாளத்தில் விழக்கூடும் என அவர் எச்சரித்துள்ளார்.
ரணில் அரசாங்கத்தினால் சில கடுமையான நடவடிக்கைகள் நடைமுறைப்படுத்தப்பட்டால், இலங்கையின் பொருளாதாரம் மீண்டும் இருந்த நிலைக்கு வருவதற்கு குறைந்தது ஐந்து வருடங்கள் ஆகும் என தான் நம்புவதாக அவர் தெரிவித்துள்ளார்.
இந்த நிலையில், அரசாங்கம் உடனடியாக செயற்படுத்தத் தொடங்க வேண்டிய பின்வரும் நான்கு முக்கியமான நடவடிக்கைகளை அவர் கோடிட்டுக் காட்டியுள்ளார்.
உடன் நடைமுறைப்படுத்த வேண்டிய 4 படிகள்
முதலாவதாக, நாட்டிடம் அந்நியச் செலாவணி அல்லது ரூபாய் இல்லாததால் அதற்கு சர்வதேச நாணய நிதியத்தின் உதவி தேவை. இது ஏனைய ஆதரவு நாடுகளின் நிதியுதவியை எளிதாக்கும்.
இரண்டாவதாக, அதிபர் ரணில் உணவு, எரிபொருள் மற்றும் மருந்துகள் போன்ற அத்தியாவசிய பொருட்களைப் பெறுவதற்கான வழியைக் கண்டுபிடிக்க வேண்டும். இதற்காக அவர் தொடர்புகளை ஏற்படுத்த வேண்டும்.
இந்தியா ஏற்கனவே 3.8 பில்லியன் டொலர்கள் வரை பரிமாற்றங்கள், கடன்கள் போன்றவற்றை வழங்கியிருந்தாலும், இந்தியா இன்னும் அதிகமாகக் கொடுக்கும். ஜப்பானும் தலையிட்டு உதவி செய்யும். இருப்பினும், அமெரிக்காவின் கவனம் வேறு திசையில் திரும்பியதால், அமெரிக்காவிடம் இருந்து பெரிய அளவில் உதவி இருக்காது என இந்திரஜித் குமாரசாமி கூறுகிறார்.
மூன்றாவதாக, பெரிய கட்டமைப்பு சீர்திருத்தங்கள் அவசியம் என்று இந்திரஜித் குமாரசாமி கூறுகிறார். அரசுக்குச் சொந்தமான நிறுவனங்களின் முதலீட்டை விலக்குதல் மற்றும் பயன்பாட்டுப் பொருட்களின் விலையானது செலவை பிரதிபலிக்கும் வகையில் இருப்பதை உறுதி செய்தல் உள்ளிட்ட செயற்பாடுகளில் சீர்திருத்தம் செய்ய வேண்டும்.
வேறு வார்த்தைகளில் கூறுவதானால், மானியங்கள் கட்டுப்படுத்தப்பட வேண்டும். இலங்கை தனது மத்திய வங்கிக்கு சுதந்திரம் வழங்க வேண்டும் மற்றும் நிதி மேலாண்மை பொறுப்புச் சட்டத்தை வலுப்படுத்த வேண்டும்.
நான்காவதாக, நாட்டின் வர்த்தக சூழலை மேம்படுத்த நடவடிக்கை எடுக்கப்பட வேண்டும் என்று குமாரசாமி கூறுகிறார்.
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
புங்குடுதீவு 9ம் வட்டாரம், சுண்டுக்குளி, யாழ்ப்பாணம், கிளிநொச்சி
23 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
புங்குடுதீவு 10ம் வட்டாரம், வவுனிக்குளம், Toronto, Canada, Ottawa, Canada
04 Feb, 2024
மானிப்பாய், திருநெல்வேலி, பிரான்ஸ், France, London, United Kingdom
23 Jan, 2020
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
சுழிபுரம் மேற்கு, London, United Kingdom, South Wales, United Kingdom
19 Jan, 2025
