எரிபொருள் தட்டுப்பாடு…! வெளியான உண்மை நிலைமை

நாட்டில் எரிபொருளை விநியோகிக்கும் லங்கா ஐஓசி, சினோபெக் மற்றும் ஆர்.எம். பார்க் ஆகிய நிறுவனங்கள், தாங்கள் வாங்கும் விலையை விடக் குறைந்த விலைக்கு எரிபொருளை விற்க வேண்டியிருப்பதால், விநியோகத்தைக் கட்டுப்படுத்த வேண்டியிருக்கும் என எரிபொருள் நிரப்பும் நிலைய உரிமையாளர்களுக்கு அண்மையில் தெரிவித்திருந்தன.

பெட்ரோலிய விநியோகஸ்தர்கள் சங்கம் செப்டம்பர் 17 அன்று கூடி இதுகுறித்து கலந்துரையாடியதுடன், எரிபொருள் விலை பிரச்சினை தீர்க்கப்படாவிட்டால் எதிர்காலத்தில் நாட்டில் எரிபொருள் தட்டுப்பாடு ஏற்படக்கூடும் என்றும் எச்சரித்தது. 

உயர்த்தப்பட்ட எரிபொருள் விலை அறிவிக்கப்பட்டது மானியம்

இந்த கோரிக்கைகளைக் கருத்தில் கொண்டு, அண்மையில் நடைபெற்ற எரிபொருள் விலை திருத்தத்தின்போது அரசாங்கம் எரிபொருள் விலையை உயர்த்தியதுடன், ஒரு லிட்டர் டீசலுக்கு மானியத்தையும் அறிவித்தது.

இத்தகைய சூழலில், எரிபொருள் நிறுவனங்கள் போதுமான அளவில் எரிபொருளை வாங்கத் தவறியதே இந்த நிலைமைக்குக் காரணம் என லங்கா பெட்ரோலிய விநியோகஸ்தர்கள் சங்கம் சுட்டிக்காட்டுகிறது.

பெட்ரோலிய விநியோகஸ்தர்கள் சங்கத்தின் தலைவர் டி.வி. சாந்தா சில்வா இது தொடர்பாக தெரிவிக்கையில்,

அனுர அரசின் முன்னாள் எரிசக்தி அமைச்சருக்கு எதிரான வழக்கு : நீதிமன்றின் உத்தரவு

 எரிபொருள் இல்லாமல் மக்கள் வரிசையில்

"இன்று, நாட்டின் ஒவ்வொரு பகுதியிலும் உள்ள எரிபொருள் நிலையங்களில் மக்கள் எரிபொருள் இல்லாமல் வரிசையில் நிற்பது காணப்பட்டது. இதற்குக் காரணம் எரிபொருள் பற்றாக்குறை அல்ல, மாறாக ஐஓசி, சினோபெக் மற்றும் ஆர்.எம். பார்க் ஆகிய நிறுவனங்கள் பெட்ரோல் மற்றும் டீசலில் பெரும் நஷ்டத்தைச் சந்தித்து வருவதாக எங்களுக்குத் தெரிவிக்கப்பட்டுள்ளது.

இது தொடர்பாக அரசாங்கத்திடமிருந்து மானியம் கிடைத்தாலும், அவர்கள் அதைத் தங்களுக்கு ஏற்பட்ட நஷ்டமாகவே குறிப்பிடுகிறார்கள். அதனால்தான், அவர்கள்  வாரத்திற்கு மூன்று முதல் நான்கு முறை மட்டுமே ஓடர் செய்யும் நிலைக்குத் தள்ளப்பட்டுள்ளனர். இதனால் அந்த மூன்று நிறுவனங்களின் எரிபொருள் நிரப்பும் நிலையங்களில் எரிபொருள் பற்றாக்குறை நிலவுகிறது.

ஆனால், சிபிசி எரிபொருள் நிரப்பும் நிலையங்களில் இதுபோன்ற நிலை ஏற்படாது. ஆனால், அவர்கள் ஓடர் செய்த எரிபொருள் சரியான நேரத்தில் கிடைத்தால், அந்த நிலையங்களில் எரிபொருள் பற்றாக்குறை ஏற்படாது. இந்த மூன்று நிறுவனங்களும் இந்த பிரச்சனையை தீர்க்காவிட்டால் இந்த நிலைமை தொடரும் என அவர் தெரிவித்தார்.  

கள்ளத்தோணி என்ற அடையாளத்தில் இன்றும் மலையக மக்களை அடக்க நினைக்கும் முதலாளித்துவச் சுரண்டல்