ட்ரம்பால் ஜெர்மனி எடுத்த அதிரடி முடிவு ...! அமெரிக்க வங்கிகளிலிருந்து பறிபோகும் பெருமளவு தங்கம்

Donald Trump Germany Gold World

By Shalini Balachandran Jan 29, 2026 09:34 AM GMT

Shalini Balachandran

in உலகம்

Report

அமெரிக்காவிலுள்ள ஜெர்மனியின் தங்கத்தை மீண்டும் தாயகம் கொண்டு வர வேண்டும் என வலியுருத்தப்பட்டுள்ளது.

ஜெர்மன் நாடாளுமன்றத்தின் எதிர்க்கட்சியான கிரீன் பார்ட்டி இதனை வலியுருத்தியுள்ளதாக சர்வதேச ஊடகங்கள் செய்தி வெளியிட்டுள்ளன.

மேலும் தெரியவருகையில், 3350 டன் என்ற அளவில் உலகிலேயே அதிக தங்க இருப்பு வைத்துள்ள நாடுகளில் ஜெர்மனி இரண்டாவது இடத்தில் உள்ளதாக தெரிவிக்கப்படுகின்றது.

நெருக்கமான உறவு

இந்தநிலையில், 1945 ஆம் ஆண்டு இரண்டாம் உலகப்போருக்குப் பிறகு ஜெர்மனி அமெரிக்காவுடன் நெருக்கமான உறவை ஏற்படுத்தி கொண்டது.

ட்ரம்பால் ஜெர்மனி எடுத்த அதிரடி முடிவு ...! அமெரிக்க வங்கிகளிலிருந்து பறிபோகும் பெருமளவு தங்கம் | German Government To Bring Back Gold From Us Banks

இதன்போது, நம்பிக்கையை வெளிப்படுத்தும் விதமாக ஜெர்மனி தனது பெருமளவு தங்க இருப்பை அமெரிக்காவில் சேமித்து வைத்தது.

ஜெர்மனியின் தங்க இருப்பில் 37 சதவீதம் அதாவது 1,236 டன் தங்கமானது அமெரிக்காவின் நியூயார்க் பெடரல் ரிசர்வ் வங்கியில் சேமித்து வைக்கப்பட்டுள்ளதாக தெரிவிக்கப்படுகின்றது.

வரிவிதிப்பு நடவடிக்கைகள்

இந்தநிலையில் அமெரிக்க ஜனாதிபதி டொனால்ட் ட்ரம்புடைய வரிவிதிப்பு நடவடிக்கைகள், கிரீன்லாந்தை இணைப்பதாக அவர் தெரிவித்துள்ள கருத்துக்கள், ஜெர்மனிக்கு அச்சத்தை ஏற்படுத்தியுள்ளது.

இதனால், ஜெர்மன் நாடாளுமன்றத்தின் எதிர்க்கட்சியான கிரீன் பார்ட்டி, பொருளாதாரத் தன்னிறைவு மற்றும் சர்வதேச மோதல்களில் இருந்து பாதுகாத்துக் கொள்ளத் தங்கத்தை உடனடியாகத் தாயகம் கொண்டு வர வேண்டும் என வலியுறுத்தியுள்ளது.