துமிந்தவிற்கு எதிரான தங்க முலாம் துப்பாக்கி வழக்கு : நீதிமன்றின் உத்தரவு

Duminda Dissanayake Attorney General of Sri Lanka Law and Order

By Sathangani Oct 02, 2026 10:11 AM GMT

Sathangani

Report

தங்க முலாம் பூசப்பட்ட துப்பாக்கி கைப்பற்றப்பட்ட சம்பவத்தில் பிரதிவாதிகளாகக் பெயரிடப்பட்டுள்ள முன்னாள் அமைச்சர் துமிந்த திசாநாயக்க மற்றும் மற்றொரு பெண்ணுக்கு எதிராகத் தாக்கல் செய்யப்பட்டுள்ள வழக்கு தொடர்பில் நீதிமன்றம் உத்தரவொன்றை பிறப்பித்துள்ளது.

அதன்படி, குறித்த வழக்கை நவம்பர் மாதம் 4 ஆம் திகதி விசரணைக்கு எடுக்குமாறு கொழும்பு மேல் நீதிமன்றம் உத்தரவிட்டுள்ளது.

இவ்வழக்கு இன்று (02) கொழும்பு மேல் நீதிமன்ற நீதிபதி உதேஷ் ரணதுங்க முன்னிலையில் விசாரணைக்கு எடுத்துக்கொள்ளப்பட்டது.

சட்டமா அதிபரால் குற்றப்பத்திரிகை தாக்கல்

இதன்போது பிரதிவாதிகளாகப் பெயரிடப்பட்டுள்ள முன்னாள் அமைச்சர் துமிந்த திசாநாயக்க மற்றும் அய்குல் ஷெரகசினா என்ற கசகஸ்தான் நாட்டுப் பெண்ணும் நீதிமன்றத்தில் முன்னிலையாகியிருந்தனர்.

துமிந்தவிற்கு எதிரான தங்க முலாம் துப்பாக்கி வழக்கு : நீதிமன்றின் உத்தரவு | Gold Plated Firearm Case Against Ex Min Duminda

அங்கு பிரதிவாதிகள் சார்பில் முன்னிலையாகும் ஜனாதிபதி சட்டத்தரணி சுகவீனமுற்றுள்ளதால், வழக்கின் முன்விசாரணை மாநாட்டிற்காக இவ்வழக்கை மீண்டும் நவம்பர் மாதம் 4 ஆம் திகதி வரை ஒத்திவைக்க நீதிமன்றம் உத்தரவிட்டது.

2025 ஆம் ஆண்டு மே மாதம் 20 ஆம் திகதி வெள்ளவத்தை பகுதியில் அமைந்துள்ள ஹவ்லொக் சிட்டி குடியிருப்புத் தொகுதியில் உரிமமின்றித் தங்க முலாம் பூசப்பட்ட துப்பாக்கி ஒன்றை வைத்திருந்தமை மற்றும் அதற்குத் உடந்தையாக இருந்தமை ஆகிய குற்றச்சாட்டுகளின் கீழ் சட்டமா அதிபரால் இந்தப் பிரதிவாதிகளுக்கு எதிராகக் குற்றப்பத்திரிகை தாக்கல் செய்யப்பட்டுள்ளது.