பசிலுக்கு ‘குட்பை’ரணிலுடன் இணையும் மொட்டு எம்.பிக்கள்
அதிபர் ரணில் விக்ரமசிங்கவின் வேலைத்திட்டத்திற்கு மேலும் ஆதரவளிக்க சிறி லங்கா பொதுஜன பெரமுனவின் நாடாளுமன்ற உறுப்பினர்கள் பலர் தீர்மானித்துள்ளதாக தெரிவிக்கப்படுகின்றது.
பொதுஜன பெரமுனவின் புதிய உறுப்பினர்களுக்கு இடையில் அண்மையில் இடம்பெற்ற கலந்துரையாடலின் போது இது தொடர்பான விடயம் முன்வைக்கப்பட்டுள்ளது.
பசில் ராஜபக்சவுக்கு அறிவிப்பு
இதன்படி, இவ்விடயங்கள் தொடர்பில் கட்சியின் அமைப்பாளரான முன்னாள் அமைச்சர் பசில் ராஜபக்சவுக்கு அறிவிக்கப்பட வேண்டுமென தீர்மானிக்கப்பட்டதாக கலந்துரையாடலில் கலந்து கொண்ட புதிய எம்.பி.தெரிவித்தார்.
அதிபர் ரணில் விக்ரமசிங்கவின் தலைமைத்துவத்தின் காரணமாக கடந்த வருடத்துடன் ஒப்பிடுகையில் நாட்டில் பாரிய மாற்றம் ஏற்பட்டுள்ளதாகவும் நாடாளுமன்ற உறுப்பினர் தெரிவித்தார்.
ஐக்கிய தேசியக் கட்சியுடன் இணைந்து கூட்டணி
இந்நிலைமைகளின் அடிப்படையில் எதிர்வரும் தேசியத் தேர்தலில் ஐக்கிய தேசியக் கட்சியுடன் இணைந்து கூட்டணி அமைத்து போட்டியிட வேண்டும் என அவர்கள் கருத்து வெளியிட்டுள்ளனர்.
