இலஞ்ச ஊழல் ஆணையத்தில் முன்னிலையாகாமல் சிங்கப்பூர் பறந்தார் கோட்டாபய
கொழும்பில் வீடுகளை பலருக்கு சட்டவிரோதமாக மாற்றிய குற்றச்சாட்டில் விசாரணைக்காக அழைக்கப்பட்ட முன்னாள் ஜனாதிபதி கோட்டாபய ராஜபக்ச நேற்று (13) இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்தில் முன்னிலையாகவில்லை.
மேலும் அவர் ஏற்கனவே நாட்டை விட்டு வெளியேறிவிட்டதாக தெரிவிக்கப்படுகிறது.
முன்னர் திட்டமிட்டபடி முன்னாள் ஜனாதிபதி கோட்டாபய வெளிநாடு செல்வதால் சம்பந்தப்பட்ட திகதியில் முன்னிலையாக முடியாது என்று நேற்று முன்தினம்(12) எழுத்துபூர்வமாக ஆணையத்திடம் தெரிவித்திருந்தார், மேலும் அதற்காக வேறு திகதியை வழங்குமாறும் கோரியிருந்தார்.
புதிய திகதி
அதன்படி, எதிர்காலத்தில் வாக்குமூலம் அளிக்க புதிய திகதியை வழங்க ஏற்பாடுகள் செய்யப்பட்டு வருவதாக இலஞ்ச ஒழிப்பு ஆணையத்தின் உள்ளக வட்டாரங்கள் உறுதிப்படுத்துகின்றன.
கட்டுநாயக்க விமான நிலையத்தின் மூத்த அதிகாரி ஒருவர் உறுதிப்படுத்தியபடி, கோட்டாபய ராஜபக்சவும் அவரது மனைவியும் நேற்று முன்தினம் (12) மதியம் 12.50 மணியளவில் சிங்கப்பூர் புறப்பட்டனர்.
இந்தப் பயணம் திடீரென மேற்கொள்ளப்பட்டதல்ல, முன்கூட்டியே திட்டமிடப்பட்ட பயணம் என்றும் மேலும் கூறப்படுகிறது.
கோட்டாபய ராஜபக்ச பாதுகாப்புச் செயலாளராக இருந்தபோது நடந்ததாகக் கூறப்படும் ஒரு சம்பவத்தின் அடிப்படையில் இந்த விசாரணை தொடங்கப்பட்டுள்ளது.
சட்டவிரோதமாக வீடுகள்
கொழும்புக்கு அருகில் அமைந்துள்ள ஒரு வீட்டுத் தொகுதியிலிருந்து பல நபர்களுக்கு சட்டவிரோதமாக பல வீடுகளை ஒதுக்க பரிந்துரைத்து கடிதங்கள் வழங்கப்பட்ட சம்பவம் தொடர்பாக வாக்குமூலம் பதிவு செய்ய அவருக்கு அழைப்பு விடுக்கப்பட்டிருந்தது.
இதற்கிடையில், முன்னாள் தலைமை நீதிபதியும் முன்னாள் சட்டமா அதிபருமான மோகன் பீரிஸும் சம்பந்தப்பட்ட வீடுகளை ஒதுக்கிய சம்பவம் தொடர்பாக வாக்குமூலம் பதிவு செய்ய அழைக்கப்பட்டுள்ளனர்.
அதன்படி, அடுத்த மாதம் 16 ஆம் திகதி திங்கட்கிழமை இலஞ்சம் அல்லது ஊழல் விசாரணை ஆணையத்தில்முன்னிலையாகுமாறு அவருக்கு அதிகாரபூர்வமாக அறிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Blackburn England, United Kingdom, Edinburgh, Scotland, United Kingdom
23 Jan, 2026
நெடுந்தீவு மேற்கு 4ம் வட்டாரம், நல்லூர்
09 Feb, 2026
புங்குடுதீவு 12ம் வட்டாரம், முல்லைத்தீவு, Sarcelles, France
13 Feb, 2021
கொய்யாத்தோட்டம், யாழ்ப்பாணம், London, United Kingdom, Osterode am Harz, Germany
14 Feb, 2022
கல்வியங்காடு, யாழ்ப்பாணம், கொழும்பு, Colindale, United Kingdom
06 Feb, 2026
