விமர்சன விளையாட்டுக்களினால் மக்களை நெருக்கடிக்குள் தள்ளியுள்ள அரசாங்கம் - எதிரணி பகிரங்க குற்றச்சாட்டு
தற்போதைய ஆட்சியாளர்கள் நாட்டை கையகப்படுத்தி மக்களைப் பெரிய நெருக்கடிக்குள் தள்ளவிட்டுள்ளனர் என ஐக்கிய மக்கள் சக்தியின் நாடாளுமன்ற உறுப்பினர் முஜிபுர் ரகுமான் (Mujibur Rahman) தெரிவித்துள்ளார்.
கொழும்பு எதுல் கோட்டையில் அமைந்துள்ள எதிர்க்கட்சித் தலைவர் அலுவலகத்தில் ஐக்கிய தொழிற் சங்கங்களின் சம்மேளனத்தினால் ஏற்பாடு செய்யப்பட்டிருந்த ஊடகவியலாளர் சந்திப்பின் போதே அவர் இந்த விடயத்தினை தெரிவித்துள்ளார்.
தொடர்ந்தும் அவர் கருத்துத் தெரிவிக்கையில்,
இன்று காஸ் இல்லை, சீமெந்து இல்லை, பால் மா, அரிசி என்று சகல அத்தியாவசியப் பொருட்களும் நாளுக்கு நாள் குறைந்து வருகிறது.
சிறிலங்கா அரச தலைவரை விமர்சிக்கும் அளவிற்கு நாட்டு மக்கள் இந்த நிலைக்குத் தள்ளப்பட்டுள்ளனர். விலையைக் குறைக்கும் கொள்கை அரசாங்கத்திடம் இல்லை என பந்துல குணவர்தன (Bandula Gunawardena) நேற்று தெரிவித்துள்ளார்.
ஒருவரையொருவர் விமர்சித்து விளையாடும் ஆட்டங்களால் வாக்களித்தவர்கள் மட்டுமின்றி ஒட்டுமொத்த மக்களும் தவித்து வருகின்றனர். எல்லாவற்றையும் அழுத்தமாக சிக்க வைத்து, பொறுப்பையும் ஆபத்தான சூழ்நிலையையும் ஏற்று மக்களால் தொடர்ச்சியாக வாழ முடியாது.
தற்போது விலையை கட்டுப்படுத்தும் நுகர்வோர் அதிகார சபையின் பணி என்ன என்ற கேள்வியை இந்த மக்கள் எமக்கு காட்டினர். நுகர்வோர் விவகார அதிகார சபை இந்த நாட்டில் எவராலும் விளையாட முடியாத மிகவும் பலம் வாய்ந்த இடமாகும்.
பிரதான அரிசி ஆலை உரிமையாளர்களின் இடங்களை யாரும் உடைக்கவில்லை.
சகலதும் மக்களை திசை திருப்பும் முயற்சியே. நுகர்வோர் அதிகாரசபை என்பது வெறும் பெயராகி கேலிக்கூத்தாக மாறிவிட்டது. இன்று அனைவரும் ஜோக்கர்களாகி விட்டனர்.
வியாபாரமே நடக்கிறது. இந்த அரசாங்கத்தை மாபியா அடக்குகிறது. சகல அதிகாரங்களுடன் சட்டத்திருத்தத்தின் பின்னர் அனைத்தும் அரச தலைவரிடம் கொண்டு செல்லப்பட்டது, இதை கையில் வைத்துக்கொண்டு வியாபாரத்தையும், ஊழலையும் கட்டுப்படுத்த முடியாவிட்டால், அரசாங்கத்தை தொழிலதிபர்களிடம் ஒப்படைத்துவிட்டு வீட்டுக்கு செல்வது சிறந்தது என்றும் அவர் மேலும் தெரிவித்துள்ளார்.
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
