அமெரிக்கா போல் இலங்கையிலும் மாற்றம் வேண்டும் : சித்தார்த்தன் வலியுறுத்து
அமெரிக்கா (United States) போல் இலங்கையிலும் (Sri Lanka) உரிய காலத்தில் தேர்தலை நடத்தும் வகையில் அரசமைப்பு மாற்றப்பட வேண்டும் என்று புளொட் கட்சியின் தலைவரும் யாழ்ப்பாணம் மாவட்ட நாடாளுமன்ற உறுப்பினருமான தர்மலிங்கம் சித்தார்த்தன் (Dharmalingam Siddarthan) தெரிவித்துள்ளார்.
குறித்த விடயம் தொடர்பில் ஊடகங்களுக்கு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.
இது தொடர்பில் ஊடகங்களிடம் அவர் மேலும் கூறுகையில், "நாடாளுமன்றத் தேர்தலாக இருந்தால் என்ன, அதிபர் தேர்தலாக இருந்தால் என்ன அந்தக் காலத்துக்குள் தேர்தல் நடத்தப்பட வேண்டும்.
உரிய காலத்தில் தேர்தல்
தேர்தலைப் பிற்போட்டு தாம் விரும்பியபடி ஜனநாயகத்தை மறுக்கின்ற செயற்பாட்டைத் தொடர்ந்து வந்த அரசுகள் மேற்கொண்டு வருகின்றன.
இலங்கையில் தேர்தலைப் பிற்போடாமல் உரிய காலத்தில் அதை நடத்தும் அமெரிக்காவின் அரசமைப்பு போல் இங்கும் உருவாக்கப்பட வேண்டும்.
அப்போது இங்கே ஜனநாயகம் சிறக்கும் தமிழ்ப் பொது வேட்பாளர் இன்றைய காலகட்டத்தின் தேவையாகும். இதை உணர்ந்து தமிழ்த் தரப்புக்கள் செயற்பட வேண்டும்." என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
