மத்தள விமான நிலையத்தை மறுசீரமைக்க அரசாங்கம் நடவடிக்கை!
மத்தள ராஜபக்ச சர்வதேச விமான நிலையத்தை (MRIA) அடுத்த ஒரு ஆண்டிற்குள் இலாபமீட்டும் அரச சொத்தாக மாற்றுவதற்காக அரசாங்கம் சிறப்பு மறுசீரமைப்புத் திட்டத்தைத் தொடங்கியுள்ளது.
ஆண்டுதோறும் சுமார் மூன்று பில்லியன் ரூபாய் நிதிப் பற்றாக்குறையை இந்த விமான நிலையம் சந்தித்து வரும் நிலையில் இந்நடவடிக்கை எடுக்கப்படவுள்ளது.
மத்தள விமான நிலையம் தொடங்கப்பட்டதிலிருந்து இதுவரை ஏற்பட்ட ஒட்டுமொத்த இழப்பு 60 பில்லியன் ரூபாயை (6,000 கோடி) தாண்டியுள்ளது.
விமானங்கள் இயக்கம்
தற்போது இந்த விமான நிலையத்திலிருந்து வாரத்திற்கு சுமார் 11 விமானங்கள் மட்டுமே இயங்கி வருகின்றன.
இந்தநிலையில் விமான நிலைய மேம்பாட்டுத் திட்டங்களில் முதலீடு செய்ய 19 உள்நாட்டு மற்றும் வெளிநாட்டு நிறுவனங்கள் விருப்பம் தெரிவித்து திட்ட முன்மொழிவுகளைச் சமர்ப்பித்தன.
சமர்ப்பிக்கப்பட்ட முன்மொழிவுகளிலிருந்து தகுதிபெற்ற 17 நிறுவனங்கள் முதற்கட்டமாகத் தேர்ந்தெடுக்கப்பட்டுள்ளன.
தேர்ந்தெடுக்கப்பட்ட நிறுவனங்கள்
இதையடுத்து தேர்ந்தெடுக்கப்பட்ட 17 நிறுவனங்களும் விரைவில் தங்களின் முறையான திட்ட முன்மொழிவுகளைச் சமர்ப்பிக்க அழைப்பு விடுக்கப்படும்.
இந்த முன்மொழிவுகளை தீவிரமாக மதிப்பாய்வு செய்த பிறகு மிகவும் பொருத்தமான நிறுவனம் தேர்வு செய்யப்படும் என தெரிவிக்கப்படுகின்றது.
துறைமுகங்கள் மற்றும் சிவில் விமானப் போக்குவரத்து பிரதி அமைச்சர் ஜனத் ருவன் கொடித்துவக்கு இது குறித்து கருத்து தெரிவிக்கையில், விமான நிலையத்தின் முழு அரசு உரிமையும் தொடர்ந்து தக்கவைக்கப்படும் என்றும் அதன் செயல்பாடுகள் மட்டுமே அரசு - தனியார் கூட்டுப் பங்களிப்பு (PPP) மாதிரியின் கீழ் கையளிக்கப்படும் என்றும் உறுதியளித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
