நுகேகொடை போராட்டக் களத்தில் தொங்கவிடப்பட்ட புல் கட்டுக்கள்!
நுகேகொடை பகுதியில் வீதியோரங்களில் புல் கட்டுக்கள் கட்டி தொங்கவிடப்பட்டுள்ள புகைப்படங்கள் தற்போது சமூக ஊடகங்களில் பகிரப்பட்டு வருகின்றன.
தற்போதைய அரசாங்கத்திற்கு எதிராக இன்றைய தினம் (21.11.2025) எதிர்கட்சிகள் இணைந்து நுகேகொடையில் போராட்டம் ஒன்றை ஏற்பாடு செய்திருந்தன.
அதன்படி, இந்த போராட்டத்திற்கு எதிர்ப்பு தெரிவிக்கும் விதமாக இவ்வாறு வீதியோரங்களில் புல் கட்டுக்கள் கட்டி தொங்கவிடப்பட்டுள்ளதாக கூறப்படுகிறது.
பொதுப்பேரணி
இன்று (21.11.2025) பிற்பகல் 2 மணிக்கு மிரிஹான காவல் பிரிவின் நுகேகொடையில் உள்ள ஆனந்த சமரக்கோன் திறந்தவெளி அரங்கில் பொதுக்கூட்டம் நடைபெறவுள்ளது.
பல எதிர்க்கட்சிகள் இணைந்து ஏற்பாடு செய்துள்ள இந்தப் பொதுக்கூட்டத்தில் பங்கேற்கும் நாடாளுமன்ற உறுப்பினர்கள், பிரமுகர்கள், அரசியல் கட்சித் தலைவர்கள், பிரதிநிதிகள், கட்சி ஆதரவாளர்கள் மற்றும் பொதுமக்களின் பாதுகாப்பை உறுதி செய்வதற்காக விசேட போக்குவரத்து மற்றும் பாதுகாப்புத் திட்டத்தை செயல்படுத்த ஏற்பாடுகள் செய்யப்பட்டுள்ளன.
அதன்படி, பிற்பகல் 2 மணி முதல் பேரணி முடியும் வரை, நாவல வீதியின் நுகேகொட மேம்பாலத்திற்கு அருகிலுள்ள ஹைலெவல் சந்தியிலிருந்து நாவல சுற்றுவட்டம் (ஆனந்த சமரக்கோன் திறந்தவெளி அரங்கிற்கு எதிரே உள்ள சாலை) வரையிலான பகுதியில் போக்குவரத்து மட்டுப்படுத்தப்படும்.
அந்த காலகட்டத்தில் அந்த சாலைகளைப் பயன்படுத்தும் ஓட்டுநர்கள் மற்றும் பொதுமக்களுக்கு ஏற்படும் சிரமங்களைக் குறைக்க மாற்று வழிகளைப் பயன்படுத்துமாறு காவல்துறை பொதுமக்களைக் கேட்டுக்கொள்கிறது.
காவல்துறை நிபந்தனை
எனினும், பொதுப் பேரணி நடைபெறும் இடத்திற்கு அருகில் கல்விப் பொதுச் சான்றிதழ் உயர்தர பரீட்சை நடைபெறும் தேர்வு மையங்கள் அமைந்துள்ளதால், இந்தப் பேரணி நடைபெறும் வளாகத்திற்குள் மட்டுமே ஒலிபெருக்கிகளைப் பயன்படுத்த அனுமதி வழங்கப்பட்டுள்ளது.
இந்தச் சூழ்நிலையைக் கருத்தில் கொண்டு, மாணவர்கள் தேர்வு மையங்களுக்குள் தடையின்றி நுழைந்து தேர்வு முடிந்ததும் வெளியேறவும், தேர்வின் போது எந்த இடையூறும் ஏற்படாமல் இருக்கவும் காவல்துறை நிபந்தனைகளை வெளியிட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
பருத்தித்துறை, யாழ்ப்பாணம், கொழும்பு, Montreal, Canada, Saint-Eustache, Canada
14 Nov, 2025
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
