அபார வெற்றி பெற்ற குஜராத் டைட்டன்ஸ் அணி!
Shadhu Shanker
in கிரிக்கெட்
புதிய இணைப்பு
நாணயசுழற்சியில் வென்ற ஐதராபாத் அணியின் தலைவர் பேட் கம்மின்ஸ் துடுப்பெடுத்தாட தேர்வு செய்தார்.
தொடக்க வீரர்களாக மயங்க் அகர்வால் , டிராவிஸ் ஹெட் ஆகியோர் களமிறங்கினர். தொடக்கத்தில் அகர்வால் 16 ஓட்டங்களுக்கு வெளியேறினார். தொடர்ந்து ஹெட் , அபிஷேக் ஷர்மா இருவரும் அதிரடி காட்டினர் . ஹெட் 19 ஓட்டங்களில் ஆட்டமிழந்தார்.
தொடர்ந்து அபிஷேக் ஷர்மா 29 ஓட்டங்களுக்கு வெளியேறினார். பின்னர் வந்த மார்க்ரம் , கிளாசன் இருவரும் நிலைத்து ஆடி ஓட்டங்கள் குவித்தனர்.
ஆனாலும் கிளாசன் 24 ஓட்டங்களும் , மார்க்ரம் 17 ஓட்டங்களும் எடுத்து அடுத்தடுத்து ஆட்டமிழந்தனர். அப்துல் சமத் அதிரடி காட்டி 14 பந்துகளில் 29 ஓட்டங்கள் எடுத்தார்.
இறுதியில் 20 ஓவர்கள் முடிவில் 8 விக்கெட் இழப்பிற்கு ஐதராபாத் அணி 162 ஓட்டங்கள் எடுத்தது.
குஜராத் சார்பில் சிறப்பாக பந்துவீசி மோஹித் ஷர்மா 3 விக்கெட்டுகளை வீழ்த்தினார். இதையடுத்து, 163 ஓட்டங்கள் எடுத்தால் வெற்றி என்ற இலக்குடன் குஜராத் அணி களமிறங்கியது.
தொடக்க ஆட்டக்காரர் விரித்திமான் சாகா 13 பந்தில் 25 ஓட்டங்கள் எடுத்தார். சுப்மன் கில் 28 பந்தில் 36 ஓட்டங்கள் குவித்தார்.
சாய் சுதர்சன் 45 ஓட்டங்களில் வெளியேறினார். இறுதியில் குஜராத் அணி 19.1 ஓவரில் 168 ஓட்டங்கள் எடுத்து அபார வெற்றி பெற்றது.
முதல் இணைப்பு
குஜராத் டைட்டன்ஸ் மற்றும் சன்ரைசஸ் ஐதராபாத் அணிகளுக்கிடையிலான இன்றைய போட்டியில் சன்ரைசஸ் ஐதராபாத் அணி நாணயசுழற்சியில் வெற்றி பெற்று துடுப்பெடுத்தாட தீர்மானித்துள்ளது.
ஐபிஎல் தொடர் ஆரம்பமாகி நடைபெற்று வரும் நிலையில் 12 ஆவது போட்டியில் குஜராத் டைட்டன்ஸ் மற்றும் சன்ரைசஸ் ஐதராபாத் அணிகள் மோதுகின்றன.
குறித்த போட்டியானது இன்று(31) அஹமதாபாத்தில் 3.30 மணியளவில் ஆரம்பமாகவுள்ளது.
நாணயசுழற்சியில் வெற்றி
இதுவரை நடைபெற்றுள்ள போட்டிகளை பொறுத்த வரையில், குஜராத் டைட்டன்ஸ் அணி ஒரு வெற்றியையும் சன்ரைசஸ் ஐதராபாத் அணி ஒரு வெற்றியையும் பெற்றுள்ளது.
எனினும் இறுதியாக குஜராத் டைட்டன்ஸ் அணி சென்னை சுப்பர் கிங்ஸ் அணியுடன் 63 ஓட்டங்கள் வித்தியாசத்தில் தோல்வியுற்றது.
சன்ரைசஸ் ஐதராபாத் அணி இறுதியாக மும்பை இந்தியன்ஸ் அணியுடன் 277 ஓட்டங்களை பெற்று ஐபிஎல் வரலாற்றில் சாதனை படைத்தது. எனவே, இந்த இரு போட்டிகளுக்கான எதிர்ப்பார்ப்புகள் அதிகமாக உள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புலோலி மேற்கு, Melbourne, Australia, Blackburn, Australia
06 Jul, 2025
அல்வாய் வடக்கு, உடுப்பிட்டி, ஜேர்மனி, Germany, Scarborough, Canada
06 Jul, 2025
