சின்வாரை தொடர்ந்த புதிய தலைவர்! மீள் எழுச்சியை நோக்கி ஹமாஸ்
Dilakshan
in மத்திய கிழக்கு
இஸ்ரேலின் (Israel) ஒக்டோபர் 7, 2023 தாக்குதல்களின் மூளையாக இருந்தவர் என்று குற்றம் சாட்டப்பட்ட ஹமாஸ் தலைவர் யஹ்யா சின்வாரைக் (Yahya Sinwar) கொல்லும் ஒரு வருட காலப் பணியில் இஸ்ரேல் புதன்கிழமை வெற்றி பெற்றது.
சின்வாரின் மரணம் ஹமாஸுக்கு பெரும் அடியாக இருந்தாலும், அது அந்தக் குழுவின் உடனடி அழிவைக் குறிக்கவில்லை.
சின்வார் உட்பட தலைவர்கள் கொல்லப்படுவது அவர்களின் இயக்கத்தின் முடிவைக் குறிக்காது என்று கூறி, தொடர்ந்து போராடுவதாக ஹமாஸ் உறுதியளித்துள்ளது.
அடுத்த தலைவர்
சின்வாரின் மரணத்தை உறுதிப்படுத்தும் ஹமாஸின் அரசியல் அலுவலகம் வெள்ளிக்கிழமை வெளியிட்ட அறிக்கை: "ஒவ்வொரு முறையும் ஹமாஸ் வலுவாகவும் பிரபலமாகவும் மாறியது, மேலும் இந்தத் தலைவர்கள், எதிர்கால சந்ததியினர் சுதந்திர பலஸ்தீனத்தை நோக்கிய பயணத்தைத் தொடர ஒரு சின்னமாக மாறினர்." என தெரிவித்திருந்தது.
இதன் படி, சின்வாரின் வாரிசு பற்றி வதந்திகள் பரவி வரும் நிலையில், ஹமாஸின் அடுத்த தலைவர் குறித்த தகவல்கள் தற்போது வெளியாகி வருகின்றன.
அவருக்குப் பதிலாக யாரை மாற்ற வேண்டும் என்பது குறித்து சின்வார் எந்த அறிவுறுத்தலையும் விட்டாரா என்பது தெளிவாகத் தெரியவில்லை.
முகமது சின்வார்
ஆனால் அவரது இளைய சகோதரர் முகமது சின்வார் (Mohammed Sinwar) அவரது வாரிசாக பலரால் பார்க்கப்படுகிறார்.அவரது சகோதரரைப் போலவே, முகமது ஒரு கடுமையான போராளி, அவர் சமீபத்தில் ஹமாஸின் இராணுவத் தளபதியாகியுள்ளார்.
எனினும், முகமது சின்வாரின் தற்போதைய நிலைமை என்னவென்று தெரியவில்லை. அவரை தீவிரமாகத் தேடிவருகிறோம் என்று இஸ்ரேல் பாதுகாப்புப் படையின் செய்தித் தொடர்பாளர் கூறியதாக இஸ்ரேலிய ஊடகங்கள் வெள்ளிக்கிழமை செய்தி வெளியிட்டுள்ளன.
மூசா அபு மர்சூக்
அவரை தொடர்ந்து, ஹமாஸின் அரசியல் பணியகத்தின் துணைத் தலைவரான மூசா அபு மர்சூக் (Musa Abu Marzouq), சின்வாரின் மாற்றாக வருவதற்கு ஒரு போட்டியாளராக இருக்கலாம் ஒன தெரிவிக்கப்படுகிறது.
FBI மர்சூக்கை தீவிரவாதியாக அறிவிக்கும் முன் அவர் அமெரிக்காவில் ஐந்து ஆண்டுகள் வாழ்ந்து வந்த நிலையில், இறுதியில் நாடு கடத்தப்பட்டார்.
கலீத் மெஷால்
குழுவின் முன்னாள் அரசியல் தலைவரான கலீத் மெஷாலும் (Khaled Mashal) இந்த பதவிக்கான சக்திவாய்ந்த போட்டியாளராகக் பார்க்கப்படுகிறார்.
முன்னாள் அமெரிக்க ஜனாதிபதி ஜிம்மி கார்ட்டர், ஜோர்டானின் மன்னர் இரண்டாம் அப்துல்லா மற்றும் ஈரானின் உச்ச தலைவர் அயதுல்லா அலி கமேனி உள்ளிட்ட உயர் அதிகாரிகளை கடந்த காலங்களில் சந்தித்த மெஷால் சர்வதேச அளவில் நன்கு அறியப்பட்டவர்.
கலீல் அல் ஹய்யா
சின்வாரின் துணை கலீல் அல் ஹய்யா (Khalil al-Hayya) இந்த பாத்திரத்திற்கான மற்றொரு சக்திவாய்ந்த போட்டியாளராகக் காணப்படுகிறார்.
இவர் கத்தாரைத் தளமாகக் கொண்ட கெய்ரோவில் அண்மையில் நடைபெற்ற போர்நிறுத்தப் பேச்சுவார்த்தையின் போது ஹமாஸின் தலைமைப் பேச்சுவார்த்தையாளராகவும் செயற்பட்டவர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
கொழும்பு, நியூ யோர்க், United States, Montreal, Canada, Toronto, Canada
02 Jan, 2026
யாழ்ப்பாணம், இலங்கை, Toronto, Canada, Fairfield, United States, Rochester, United States, Annandale, United States
01 Jan, 2026
கரவெட்டி மேற்கு, டென்மார்க், Denmark, Milton Keynes, United Kingdom
10 Jan, 2021
Klang, Malaysia, யாழ்ப்பாணம், கலிஃபோர்னியா, United States
08 Jan, 2022