இலங்கையின் ஏற்றுமதி வருமானத்தில் அதிகரிப்பு - டொலரில் குவியும் வருமானம்

Dollar to Sri Lankan Rupee Sri Lanka Economic Crisis Economy of Sri Lanka Dollars Export

By Thulsi Feb 25, 2026 04:57 AM GMT

Thulsi

in பொருளாதாரம்

Report

இலங்கையின் மொத்த ஏற்றுமதி வருமானம் 1,552 மில்லியன் அமெரிக்க டொலர்களாகப் பதிவாகியுள்ளது.

குறித்த விடயத்தை இலங்கை ஏற்றுமதி அபிவிருத்திச் சபையின் மங்கள விஜேசிங்க தெரிவித்துள்ளார்.

இது கடந்த ஆண்டின் ஜனவரி மாதத்துடன் ஒப்பிடுகையில் 13.7% வளர்ச்சியாகும் என அதன் தலைவர் மங்கள விஜேசிங்க தெரிவித்துள்ளார்.

ஏற்றுமதியில் குறிப்பிடத்தக்க வளர்ச்சி

அவர் மேலும் கருத்து தெரிவிக்கையில், 'ஜனவரி மாதத்தில் 1,552 மில்லியன் அமெரிக்க டொலர்கள் ஈட்டப்பட்டுள்ளது. இதன் மூலம் 1,165 மில்லியன் அமெரிக்க டொலர்கள் வருமானம் கிடைத்துள்ளதுடன், இது கடந்த ஆண்டை விட 10.5% வளர்ச்சியாகும்.

இலங்கையின் ஏற்றுமதி வருமானத்தில் அதிகரிப்பு - டொலரில் குவியும் வருமானம் | Sri Lanka S Export Earnings Top 1552 Million Usd

சேவைத்துறையூடாக 367 மில்லியன் அமெரிக்க டொலர்கள் வருமானம் கிடைத்துள்ளது. இது கடந்த ஆண்டுடன் ஒப்பிடுகையில் 24.5% என்ற பாரிய வளர்ச்சியைக் காட்டியுள்ளது.

ஏற்றுமதி வருமான அதிகரிப்பில் தேயிலை, தேங்காய், இறப்பர், உணவு மற்றும் பானங்கள், மின்சாரம் மற்றும் இலத்திரனியல் சாதனங்கள், மரக்கறிகள், பழங்கள் மற்றும் கடல் உணவுகள் ஆகிய துறைகள் முக்கிய பங்காற்றியுள்ளன. தகவல் தொழில்நுட்பத் துறை (IT) சேவைத்துறை ஏற்றுமதியில் குறிப்பிடத்தக்க வளர்ச்சியைப் பதிவு செய்துள்ளது.'