மின்சாரக் கட்டண குறைப்பு! எரிசக்தி அமைச்சின் விசேட நடவடிக்கை
புதுப்பிக்கத்தக்க எரிசக்தி மூலங்களை தேசிய மின்கட்டமைப்புடன் அதிகளவில் இணைப்பதன் மூலம், எதிர்காலத்தில் படிப்படியாக மின் கட்டணத்தை குறைக்க முடியும் என எரிசக்தி அமைச்சு தெரிவித்துள்ளது.
2030ஆம் ஆண்டுக்குள் மின் கட்டணத்தை 30 சதவீதம் வரை குறைப்பதுடன், தேசிய மின்கட்டமைப்பில் சுமார் 70 சதவீதம் புதுப்பிக்கத்தக்க எரிசக்தியை இணைப்பதே இலக்கு என அமைச்சு தெரிவித்துள்ளது.
மின்சாரத்தை சேமித்து வைப்பதற்கான விரைவாக நடைமுறைப்படுத்தக்கூடிய தொழில்நுட்பமாக பேட்டரி தொழில்நுட்பம் அடையாளம் காணப்பட்டுள்ளதாகவும் அமைச்சு குறிப்பிட்டுள்ளது.
சூரிய சக்தி மின்சாரம்
இதன் மூலம் பகல் நேரத்தில் சூரிய சக்தி மூலம் உற்பத்தி செய்யப்படும் அதிகப்படியான மின்சாரத்தை பேட்டரிகளில் சேமித்து, அதனை இரவு நேரத்தில் தேசிய மின்கட்டமைப்புக்கு வழங்குவதற்கான திட்டங்கள் தயாரிக்கப்பட்டுள்ளதாகவும் தெரிவிக்கப்பட்டுள்ளது.
தேசிய மின்கட்டமைப்பில் அதிகளவில் சூரிய சக்தி மின்சாரம் இணைக்கப்படுவது நாட்டுக்கு குறிப்பிடத்தக்க நன்மையை ஏற்படுத்தும் எனவும் அமைச்சு தெரிவித்துள்ளது.
இதன் காரணமாக பகல் நேரத்தில் மின்சார உற்பத்திக்காக செலவிடப்படும் தொகையை குறைக்க முடிந்துள்ளதாகவும் எரிசக்தி அமைச்சு மேலும் குறிப்பிட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
