மக்களுக்கு மகிழ்ச்சியான தகவல்: சதொசவினால் வழங்கப்பட்டுள்ள பாரிய சலுகை
வாடிக்கையாளர்களுக்கு நாடளாவிய ரீதியில் உள்ள அனைத்து சதொச கிளைகளிலும் இன்று (02) முதல் சலுகைப் பையை கொள்வனவு செய்யும் வாய்ப்பு வழங்கப்பட்டுள்ளது.
இது எதிர்வரும் தமிழ் சிங்கள புத்தாண்டை முன்னிட்டு, 4,500 ரூபா பெறுமதியான 11 உணவுப் பொருட்கள் அடங்கிய இந்த நிவாரணப் பையை 3,420 ரூபா சில்லறை விலையில் கொள்வனவு செய்வதற்கான சந்தர்ப்பம் வழங்கப்பட்டுள்ளது.
குறித்த விடயத்தை சதொச தலைவர் பசந்த யாப்பா அபேவர்தன குறிப்பிட்டுள்ளார்.
முட்டை விலை
மேலும், சதொச நிறுவனம் இன்று முதல் ஒரு முட்டையை 36 ரூபாவிற்கு விற்பனை செய்ய நடவடிக்கை எடுத்துள்ளமையும் குறிப்பிடத்தக்கது.
அத்தோடு, 9 அத்தியாவசிய பொருட்களின் விலைகளை மேலும் குறைக்க நடவடிக்கை எடுத்துள்ளதாகவும், புதிய விலைகள் இன்று (2) முதல் நடைமுறைக்கு வரும் எனவும் லங்கா சதொச தெரிவித்துள்ளது.
அதன்படி, பெரிய வெங்காயம் (பாகிஸ்தான்) ஒரு கிலோகிராம் புதிய விலை ரூ.495
சிவப்பு வெங்காயம் ஒரு கிலோகிராம் ரூ.290
உருளைக்கிழங்கு (பாகிஸ்தான்) ஒரு கிலோகிராம் புதிய விலை ரூ.195
பால் மா 400 கிராம் புதிய விலை ரூ. 925
கோதுமை மா ஒரு கிலோகிராம் புதிய விலை ரூ.192
இறக்குமதி செய்யப்படும் முட்டை ஒன்றின் புதிய விலை ரூ.36
வெள்ளை பச்சை அரிசி ஒரு கிலோகிராம் புதிய விலை ரூ.192
சோயா மீட் ஒரு கிலோகிராம் புதிய விலை ரூ.593
கொண்டைக்கடலை (ஜம்போ) ஒரு கிலோகிராம் புதிய விலை ரூ.494 எனத் தெரிவிக்கப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
