சூடுபிடிக்கும் தேர்தல்களம் : தேர்தல் ஆணைக்குழுவிற்கு அழைக்கப்பட்டுள்ள அரச நிறுவன தலைவர்கள்
ஜனாதிபதித் தேர்தல் நடவடிக்கைகளுக்கு ஆதரவைப் பெற்றுக் கொள்வதற்காக அடுத்த வாரம் அனைத்து அரச நிறுவனங்களின் தலைவர்கள் மற்றும் ஏனைய நிறுவனங்களின் தலைவர்கள் தேர்தல்கள் ஆணைக்குழுவிற்கு அழைக்கப்படுவார்கள் என எதிர்பார்க்கப்படுவதாக அதன் தலைவர் ஆர்.எம்.எல்.ரத்நாயக்க தெரிவித்துள்ளார்.
அனைத்து அமைச்சுக்களின் செயலாளர்கள், மேலதிக செயலாளர்கள், அரச கூட்டுத்தாபனங்கள் மற்றும் சபைகளின் தலைவர்கள், உள்ளுர் கண்காணிப்பு நிறுவனங்களின் தலைவர்கள் மற்றும் ஊடக நிறுவனங்களின் தலைவர்கள் ஆகியோருக்கு அழைப்பு விடுக்கப்படும் எனவும் அவர் குறிப்பிட்டுள்ளார்.
அழைக்கப்படவுள்ள அதிகாரிகள்
அத்துடன், தேர்தல் நடவடிக்கைகள் தொடர்பான அறிவுறுத்தல்களை வழங்குவதற்காக நாளை மறுதினம் (3) சனிக்கிழமை அனைத்து தேர்தல் அதிகாரிகள், மாவட்ட பிரதி மற்றும் உதவி தேர்தல் ஆணையாளர்களும் ராஜகிரிய தேர்தல் செயலாளர் அலுவலகத்திற்கு அழைக்கப்படவுள்ளனர்.
தேர்தல்கள் ஆணைக்குழு
தேர்தலின் பாதுகாப்பு நடவடிக்கைகள் தொடர்பில் எதிர்காலத்தில் அனைத்து பாதுகாப்பு திணைக்கள தலைவர்களுடனும் கலந்துரையாடப்படவுள்ளதாக தேர்தல்கள் ஆணைக்குழு தெரிவித்துள்ளது.
அத்துடன் தேர்தல் நடவடிக்கைகள் தடையின்றி மேற்கொள்ளப்படும் எனவும் ஆணையாளர் தெரிவித்துள்ளார்.
வல்வெட்டித்துறை, யாழ்ப்பாணம், கொழும்பு, பிரித்தானியா, United Kingdom, Toronto, Canada
11 Apr, 2024
குடத்தனை, வராத்துப்பளை, Montreal, Canada, Cornwall, Canada
07 Apr, 2025
