அதிகரித்துள்ள வெப்பம் : உயிர் பறிபோகும் அபாயம் : வைத்தியர் விடுத்துள்ள எச்சரிக்கை

தற்போதைய அதிகரித்துள்ள வெப்பநிலை காரணமாக உயிரிழப்பு கூட ஏற்படும் அபாயம் இருப்பதாக உடலியல் நிபுணர் வைத்தியர் நந்தன திக்மதுகொட தெரிவித்துள்ளார்.

எனவே நீண்டகால நோய்கள் உள்ளவர்கள் அதிகரித்துள்ள வெப்பம் தொடர்பில் கூடிய கவனம் செலுத்த வேண்டும். சாதாரண மக்களும் இதில் அதிக கவனம் செலுத்த வேண்டும்.

மழை பெய்தாலும் கடுமையான வெப்பம் 

"மழை பெய்தாலும், எமக்கு கடுமையான வெப்பம் உள்ளதை உணர முடிகிறது. அதற்கு முக்கிய காரணம், சுற்றுச்சூழலில் நீராவி மிக அதிகமாக இருப்பதால், மேகங்களை சுற்றியுள்ள நீராவி உயராமல் தடுக்கப்படுகின்றன.

எனவே, எமக்கு அதிகமாக வியர்க்கும் சூழ்நிலை உருவாகியுள்ளது. எனவே, நீங்கள் வெளியே சென்றால், கடுமையான சூரிய ஒளியால் பாதிக்கப்படலாம். இது பல உடல்நலப் பிரச்சினைகளை ஏற்படுத்தும். வெளியில் வேலை செய்பவர்கள், முக்கியமாக அதிக வெப்பநிலை காரணமாக, அசௌகரியத்தை அனுபவிக்கலாம்.

விவசாயிகளுக்கான உர மானியம் தொடர்பில் வெளியான தகவல்

மரணம் கூட ஏற்படலாம்

தலைச்சுற்றல், உடல் வலிகள் மற்றும் அதிகப்படியான வியர்வை ஏற்படலாம். இந்த நிலைமை தொடர்ந்தால் மரணம் கூட ஏற்படலாம்.

குறிப்பாக குழந்தைகள், முதியவர்கள் மற்றும் நீண்டகால நோயாளிகள் அதிகமாக பாதிக்கலாம். நீங்கள் கண்டிப்பாக வெளியே செல்ல வேண்டியிருந்தால், வெப்பத்திலிருந்து உங்களைப் பாதுகாத்துக் கொள்ள ஒரு குடை அல்லது சிறப்பு ஆடைகளைப் பயன்படுத்த வேண்டும்.

நம் உடல்கள் வியர்க்க அனுமதிக்க வேண்டும். இந்த வியர்வை உடலை விட்டு வெளியேறும்போது, ​​உடல் வெப்பநிலை குறைகிறது. நீங்கள் அதிக திரவ ஆகாரங்களை உட்கொள்ள வேண்டும். குடிக்க வேண்டும். குறிப்பாக கஞ்சி, சூப், தேநீர் மற்றும் ஜீவானி போன்ற தாதுக்கள் நிறைந்த ஆகாரங்களை உட்கொள்வது மிக அவசியம்.

இடியுடன் கொட்டித் தீர்க்க போகும் கனமழை : மக்களுக்கு வெளியான அறிவிப்பு

இதேவேளை வடக்கு, வடமத்திய, வடமேற்கு, கிழக்கு, ஊவா மாகாணங்களிலும், ஹம்பாந்தோட்டை மாவட்டத்தின் சில பகுதிகளிலும்உயர் வெப்பநிலை அதிகமாக இருப்பதாக வளிமண்டலவியல் திணைக்களம் தெரிவித்துள்ளது.

 அதிகளவில் தண்ணீரை பருகுமாறு அறிவுறுத்து

எனவே அதிக வெப்பம் நிலவும் இந்த காலப்பகுதியில் பொதுமக்கள் மிகவும் அவதானமாக இருக்குமாறும் அதிகளவில் தண்ணீரை பருகுமாறும் வளிமண்டலவியல் திணைக்களம் கேட்டுக்கொள்கிறது.

மனித உடலை நீண்ட நேரம் வெப்பத்தில் வெளிப்படுத்துவது நீரிழப்பு, தசைச் சிதைவு, அதிகப்படியான சோர்வு மற்றும் பக்கவாதத்திற்கு வழிவகுக்கும் என்றும், வயதானவர்கள் மற்றும் நோய்வாய்ப்பட்டவர்கள் இது குறித்து மிகவும் கவனமாக இருக்க வேண்டும் என்றும் வளிமண்டலவியல் திணைக்கள அதிகாரிகள் சுட்டிக்காட்டுகின்றனர்.

அமெரிக்காவில் பதிவான சக்தி வாய்ந்த நிலநடுக்கம்

  இதுபோன்ற கடுமையான வெப்பநிலை தொடர்ந்தால், பொதுமக்கள் அதிக அளவு தண்ணீர் குடிக்கவும், கடுமையான செயல்பாடுகளை குறைக்கவும், நிழலான பகுதிகளில் தங்கவும் திணைக்களம் அறிவுறுத்தியுள்ளது.