நியூசிலாந்தில் இலங்கை உயர்ஸ்தானிகராலயம்: எடுக்கப்பட்ட உடனடி தீர்மானம்
நியூசிலாந்தின் தலைநகர் வெலிங்டனில் இலங்கை உயர்ஸ்தானிகராலயத்தை திறப்பதற்கு அமைச்சரவை அனுமதி வழங்கியுள்ளது.
இந்நிலையில், இலங்கை உயர்ஸ்தானிகராலயத்தை திறப்பது தொடர்பான விடயங்களை கலந்துரையாட அமைச்சின் வெளிநாட்டு ஆதன முகாமைத்துவம் மற்றும் அபிவிருத்திப் பிரிவின் பணிப்பாளர் நாயகம் பிரதீபாஷாரம் தலைமையிலான உத்தியோகபூர்வ பிரதிநிதிகள் குழுவினர் நியூசிலாந்துக்கு விஜயம் செய்யவுள்ளதாக தெரிவிக்கப்பட்டுள்ளது.
குறித்த விஜயமானது திங்கட்கிழமை(22) மேற்கொள்ளப்படவுள்ளது.
கலந்துரையாடல்
மேற்படி குழு வியாழக்கிழமை(25) வரை நியூசிலாந்தில் தங்கியிருந்து கலந்துரையாடல்களை மேற்கொள்ளுமென தெரிவிக்கப்பட்டுள்ளது.
இந்த விஜயத்தின் போது தூதுக்குழுவினர் நியூசிலாந்தின் வெளிவிவகார மற்றும் வர்த்தக அமைச்சின் அதிகாரிகள், பிற தொடர்புடைய நிறுவனங்கள் மற்றும் பங்குதாரர்களுடன் கலந்துரையாடலில் ஈடுப்படுவார்கள் என எதிர்ப்பார்க்கப்பட்டுள்ளது.
உயர்ஸ்தானிகராலயம்
நியூசிலாந்தில் தொழில் வல்லுநர்கள் மற்றும் மாணவர்களைக் கொண்ட ஒரு குறிப்பிடத்தக்களவு இலங்கையர் சமூகம் உள்ளது.
இராஜதந்திர தூதுக் குழுவொன்றை நியூசிலாந்தில் நிறுவுவதன் மூலம் வர்த்தகம், கல்வி, விளையாட்டு, அறிவியல், தொழில்நுட்பம், சுற்றுலா மற்றும் சுகாதாரம் ஆகிய துறைகளில் வலுவான ஒத்துழைப்பைப் பின்தொடர்வதற்கும் மற்றும் சமூகத்தை அணுகுவதற்கும் உதவுமென சுட்டிக்காட்டப்பட்டுள்ளது.
மேலும் 2021 ஆம் ஆண்டு இலங்கையில் நியூசிலாந்து உயர்ஸ்தானிகராலயம் திறக்கப்பட்ட நிலையில் இது இரு நாடுகளுக்கும் இடையிலான இருதரப்பு உறவுகளில் ஒரு முக்கிய மைல்கல்லாக திகழ்கின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
