முடிவிற்கு வருகிறது பல்கலைக்கழகங்களில் நிலவும் ஆளணிப்பற்றாக்குறை : ஆட்சேர்ப்பிற்கு கிடைத்தது அனுமதி
புதிய ஊழியர்களை, குறிப்பாக கல்வி ஊழியர்களை நியமிக்க அனைத்து பல்கலைக்கழகங்களும் விடுத்த கோரிக்கைகளுக்கு அனுமதி அளிக்கப்பட்டுள்ளதாக கல்வி, உயர்கல்வி மற்றும் தொழிற்கல்வி அமைச்சு தெரிவித்துள்ளது.
இது தொடர்பாக கொழும்பு ஊடகமொன்றிடம் பேசிய கல்வி, உயர்கல்வி மற்றும் தொழிற்கல்வி அமைச்சின் செயலாளர் நாலக கலுவேவா, பல்கலைக்கழகங்களில் ஆட்சேர்ப்பு கிட்டத்தட்ட ஐந்து ஆண்டுகளாக முற்றிலுமாக நிறுத்தப்பட்டுள்ளதாகக் கூறினார்.
பல்கலைக்கழகங்கள் விடுத்த கோரிக்கைக்கு அனுமதி
“சமீபத்திய மாதங்களில்தான் இந்த செயல்முறையை மீண்டும் தொடங்க அனுமதி கிடைத்தது. கல்வி மற்றும் கல்விசாரா பணியாளர்கள் தேவைகளுக்காக ஒவ்வொரு பல்கலைக்கழகமும் சமர்ப்பித்த கோரிக்கைகள் இப்போது அங்கீகரிக்கப்பட்டுள்ளன, பிரதமர் அலுவலகத்தின் கீழ் செயல்படும் ஒரு குழுவால் தேவையான அங்கீகாரம் வழங்கப்பட்டுள்ளது,” என்று கலுவேவா தெரிவித்தார்.
அடுத்த கட்டமாக பல்கலைக்கழகங்கள் தொடர்புடைய ஆட்சேர்ப்பு நடைமுறைகளை மேற்கொள்வது அவசியம் என்றும், இது முடிவடைய சிறிது காலம்ஆகும் என்றும் அவர் மேலும் கூறினார்.
“பல ஆண்டுகளாக ஆட்சேர்ப்பு நிறுத்தப்பட்டிருக்கும் போது பல்கலைக்கழகங்களில் பற்றாக்குறை ஏற்படுவது இயல்பானது, ஆனால் அவற்றைத் தீர்க்கும் செயல்முறை இப்போது தொடங்கிவிட்டது. வெற்றிடடங்களை ஒரே இரவில் நிரப்ப முடியாது, ஆனால் அது முறையாக நடக்கும்.”
பொருளாதார நெருக்கடியால் ஆட்சேர்ப்பு முடக்கம்
இலங்கையின் பொருளாதார நெருக்கடி உச்சத்தில் இருந்தபோது, செலவினங்களைக் குறைப்பதற்காக பல துறைகளில் அரசு பணியமர்த்தல் நிறுத்தி வைக்கப்பட்டபோது ஆட்சேர்ப்பு முடக்கம் ஏற்பட்டது.
விரிவுரையாளர்கள், நிர்வாக ஊழியர்கள் மற்றும் தொழில்நுட்ப அதிகாரிகளின் பற்றாக்குறையை எதிர்கொண்ட பல்கலைக்கழகங்கள் மிகவும் பாதிக்கப்பட்டன. பொருளாதார நெருக்கடி காரணமாக வெளிநாடுகளுக்கு வாய்ப்புகளைத் தேடி பல தொழில் வல்லுநர்கள், குறிப்பாக கல்வியாளர்கள் இடம்பெயர்ந்ததால் நிலைமை மேலும் மோசம் அடைந்தது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இளவாலை, Brisbane, Australia, Harrow, United Kingdom
06 Sep, 2025
மலேசியா, Malaysia, மாகியம்பதி, சண்டிலிப்பாய், Scarborough, Canada
02 Oct, 2025
மட்டுவில், பெரிய அரசடி, வெள்ளவத்தை, Harrow, United Kingdom, Oxford, United Kingdom
28 Sep, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
