நுவரெலியா மக்களின் அவலநிலை: பல நாட்களாக நீரின்றி தவிப்பு

Nuwara Eliya Climate Change Water

By Laksi May 07, 2024 08:18 AM GMT

Laksi

in சமூகம்

Report

நுவரெலியா(Nuwara eliya)- லவர்ஸ்லீப் விநாயகபுரம் பகுதியிலுள்ள மக்கள் கடந்த 21 நாட்களாக நீரின்றி பெரும் அசௌகரியங்களுக்கு முகங்கொடுத்துள்ளதாக தெரிவிக்கின்றனர்.

இதேவேளை அன்றாட வாழ்வில் மக்கள் நீரின்றி பல்வேறு இன்னல்களை சந்திப்பதாக குறிப்பிடப்பட்டுள்ளது.

மேலும் நுவரெலியா மாநகர சபைக்கு அண்மித்த பகுதிகளில் இவ்வாறான நிலைமையை காணப்படுவதாக சுட்டிக்காட்டப்பட்டுள்ளது.

கடும் வெப்பம்

பொதுவாக பாடசாலை செல்லக்கூடிய மாணவர்கள் தமது பாடசாலை சீருடைய கழுவுவதற்கு கூட நீரின்றி பாடசாலைக்கு செல்லாமல் நீர் தேடியலையும் நிலைக்கு தள்ளப்பட்டுள்ளனர்.

நுவரெலியா மக்களின் அவலநிலை: பல நாட்களாக நீரின்றி தவிப்பு | Hot Weather In Nuwara Leaves People Without Water

தொடர்ச்சியாக நுவரெலியாவில் கடும் வெப்பமான காலநிலை காணப்படுவதால் விவசாய நடவடிக்கையும் பாதிப்படைந்துள்ளதாக குறிப்பிடப்புடுகின்றது.

மக்கள் விசனம்

பெண்கள் தமது வீட்டு வேலைகளை செய்வதற்கு கூட தண்ணீர் இன்றி சிரமத்திலுள்ளார்கள்.

இது தொடர்பாக பல்வேறு சந்தர்ப்பங்களில் நுவரெலியா மாநகர சபை ஆணையாளருக்கு தெரிவித்திருந்த பொழுதும் இதுவரை அதற்கான நடவடிக்கை எடுக்கவில்லை என இம்மக்கள் விசனம் தெரிவிக்கின்றமை குறிப்பிடத்தக்கது.