செவ்வந்தியை தேடிச்சென்ற இடத்தில் சிக்கிய சிறிலங்கா இராணுவ அதிகாரி
Sumithiran
in கிரிக்கெட்
கணேமுல்ல சஞ்சீவ கொலையுடன் தொடர்புடைய இஷாரா செவ்வந்தி என்ற பெண் தலைமறைவாகி, அனுராதபுரம் நகரில் உள்ள ஒரு ஹோட்டலில் தங்கியிருந்ததாக கிடைத்த தகவலை அடுத்து அனுராதபுரம் பிரிவு குற்றப் புலனாய்வுப் பிரிவு நடத்திய தேடுதலில் அவரைப் போலவே தோற்றமளிக்கும் பெண் மற்றும் சிறிலங்கா இராணுவ மேஜர் என இருவர் நேற்று (31) சுமார் 3.5 மில்லியன் ரூபாய் மதிப்புள்ள ஐஸ், குஷ் மற்றும் கேரள கஞ்சா மற்றும் இரண்டு சொகுசு கார்களுடன் கைது செய்யப்பட்டனர்.
கைது செய்யப்பட்டவர்கள் குருநாகல், உடவல வீதியைச் சேர்ந்த 53 வயதுடைய முன்னாள் இராணுவ மேஜர் மற்றும் 33 வயதுடைய பெண் ஆகியோர் ஆவர்.
அனுராதபுரம் ஹோட்டலில் தங்கியிருந்த செவ்வந்தி
அனுராதபுரம் வாலிசிங்க ஹரிச்சந்திர மாவத்தையில் உள்ள ஒரு பிரபலமான ஹோட்டலில் இஷாரா செவ்வந்தி என்ற பெண் தங்கியிருப்பதாக புலனாய்வு அமைப்புகளுக்கு கிடைத்த தகவலின் அடிப்படையில், அனுராதபுரம் பிரிவு குற்றப் புலனாய்வுப் பிரிவின் பொறுப்பதிகாரி, தலைமை ஆய்வாளர் நுவான் விக்ரமசிங்க உள்ளிட்ட அதிகாரிகள் குழு இந்த சோதனையை மேற்கொண்டது.
சிக்கிய பெண் மற்றும் முன்னாள் சிறிலங்கா இராணுவ அதிகாரி
இந்த சோதனையில் உதவுவதற்காக மோப்ப நாய் பிரிவும் ஈடுபடுத்தப்பட்டது. கைது செய்யப்பட்ட சந்தேக நபரும் முன்னாள் மேஜரும் சட்டவிரோத உறவைப் பேணி போதைப்பொருள் கடத்தலில் ஈடுபட்டது கண்டுபிடிக்கப்பட்டதாகவும், சந்தேகத்திற்குரிய முன்னாள் மேஜர் போதைப்பொருள் குற்றச்சாட்டில் அனுராதபுரத்தில் பலமுறை கைது செய்யப்பட்டுள்ளதாகவும் காவல்துறையினர் தெரிவித்தனர்.
சுமார் நான்கு நாட்களுக்கு முன்பு ஹோட்டலில் தங்கியிருந்த சந்தேக நபர்களான தம்பதியினரை கைது செய்து சோதனை செய்தபோது, ஐஸ், குஷ் மற்றும் கேரள கஞ்சா போதைப்பொருட்களுக்கு கூடுதலாக, இரண்டு சொகுசு கார்கள், தங்க நகைகள், கைபேசிகள், , பல்வேறு சாவிகள், கம் டேப் மற்றும் கம் போத்தல்கள் ஆகியவை கண்டுபிடிக்கப்பட்டதாக காவல்துறையினர் தெரிவித்தனர்.
கைது செய்யப்பட்ட சந்தேக தம்பதியினர் அனுராதபுரம் நீதவான் நீதிமன்றத்தில் முற்படுத்தப்படவிருந்தனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொழும்பு, புங்குடுதீவு 10ம் வட்டாரம், ஜேர்மனி, Germany, Scarborough, Canada
25 May, 2021
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
அச்சுவேலி, சுன்னாகம், யாழ்ப்பாணம், London, United Kingdom
19 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
