உயர்தரப் பரீட்சை பௌதிகவியல் வினாத்தாளில் சிக்கல்: மனித உரிமைகள் ஆணைக்குழுவில் முறைப்பாடு

Sri Lanka G.C.E.(A/L) Examination Education

By Shalini Balachandran Sep 01, 2026 05:11 AM GMT

Shalini Balachandran

in சமூகம்

Report

2026 ஆம் ஆண்டுக்கான கல்விப் பொதுத் தராதர உயர்தரப் பரீட்சையின் பௌதிகவியல் பல்தேர்வு வினாத்தாளில் (MCQ) 4 வினாக்கள் பிழையானவை எனச் சுட்டிக்காட்டி முறைப்பாடு செய்யப்பட்டுள்ளது.

கொழும்பிலுள்ள முன்னணி பாடசாலை ஒன்றின் பௌதிகவியல் ஆசிரியர் ஒருவர் இந்த முறைப்பாட்டை அளித்துள்ளார்.

இந்தநிலையில் இலங்கை மனித உரிமைகள் ஆணைக்குழுவில் பாதிக்கப்பட்ட மாணவர்களுக்குச் நீதியை வழங்குமாறு கோரி அவர் முறைப்பாடளித்துள்ளார்.

ஆணைக்குழுவிடம் கோரிக்கை

இது தொடர்பில் மேலும் தெரியவருகையில், பௌதிகவியல் வினாத்தாள் 1 இல் இடம்பெற்ற 17, 18, 19 மற்றும் 46 ஆகிய வினாக்கள் பிழையானவை (சரியான பதில்களைப் பெற முடியாதவை) என அந்த ஆசிரியர் தனது முறைப்பாட்டில் குறிப்பிட்டுள்ளார்.

உயர்தரப் பரீட்சை பௌதிகவியல் வினாத்தாளில் சிக்கல்: மனித உரிமைகள் ஆணைக்குழுவில் முறைப்பாடு | Hrcsl Petitioned Over A L Physics Paper Errors

இந்த வினாத்தாள் குளறுபடி தொடர்பில் கவனம் செலுத்திய பரீட்சைகள் திணைக்களம், 46 ஆவது வினாவுக்கு மட்டுமே இலவசப் புள்ளியை (1 Mark) வழங்க உடன்பட்டுள்ளதாக தெரிவிக்கப்படுகின்றது.

இந்தநிலையில் 46 ஆவது வினாவுக்கு மட்டும் புள்ளி வழங்குவது மாணவர்களுக்குச் செய்யப்படும் கடுமையான அநீதி என்றும் பிழையான 4 வினாக்களுக்கும் சேர்த்து 4 புள்ளிகளையும் (4 Marks) அனைத்து மாணவர்களுக்கும் வழங்க அதிகாரிகளுக்கு அறிவுறுத்துமாறு மனித உரிமைகள் ஆணைக்குழுவிடம் கோரிக்கை விடுக்கப்பட்டுள்ளமை குறிப்பிடத்தக்கது.