வாகன இறக்குமதி குறித்து வெளியான தகவல்

World Environment Day Sri Lanka Department of Motor Vehicles vehicle imports sri lanka

By Sathangani Jun 06, 2024 08:28 AM GMT

Sathangani

in பொருளாதாரம்

Report

நாட்டிற்கு வாகனங்களை இறக்குமதி செய்யும் போது மின்சார மற்றும் கலப்பு (Hybrid) வாகனங்களுக்கு முன்னுரிமை வழங்கப்படும் என மோட்டார் போக்குவரத்து ஆணையாளர் நாயகம் நிஷாந்த அனுருத்த வீரசிங்க (Nishantha Anurudtha Weerasinghe) தெரிவித்துள்ளார்.

இதேவேளை அதற்கான கலந்துரையாடல்கள் தொடர்ந்தும் இடம்பெற்று வருவதாகவும் அவர் மேலும் குறிப்பிட்டார்.

அது தொடர்பில் அரசாங்கம் எதிர்காலத்தில் உத்தியோகபூர்வமாக அறிவிக்கும் எனவும் ஆணையாளர் நாயகம் சுட்டிக்காட்டினார்.

மரம் நடும் திட்டம்

உலக சுற்றாடல் தினத்தை முன்னிட்டு நேற்று (05) மோட்டார் போக்குவரத்து திணைக்கள வளாகத்தில் ‘ஆரோக்கியமான சூழலுக்கு பயனுள்ள காணி பாவனை, பசுமையான திணைக்களம்’ என்ற தொனிப்பொருளில் இடம்பெற்ற மரக்கன்று நடும் நிகழ்வில் கலந்துகொண்டு கருத்து தெரிவிக்கையிலேயே அவர் மேற்கண்டவாறு தெரிவித்தார்.

வாகன இறக்குமதி குறித்து வெளியான தகவல் | Import Of Electric And Hybrid Vehicles To Srilanka

மோட்டார் போக்குவரத்துத் திணைக்களத்தின் வாகன உமிழ்வுத் திட்டம், அரச நிறுவனங்களின் வளாகங்களில் மரம் நடும் நிகழ்ச்சியை ஆரம்பித்துள்ளதுடன், இதன் மூலம் நகர்ப்புறங்களில் காற்றின் வெளியேற்றத்தைக் குறைக்க பங்களிப்பதாக எதிர்பார்க்கப்படுவதாக குறிப்பிட்டார்.