இலங்கையின் ஒட்டுமொத்த வேலைத்திட்ட செயல்திறன் : ஐஎம்எப் பாராட்டு
இலங்கையின் ஒட்டுமொத்த வேலைத்திட்ட செயல்திறன் வலுவாக இருப்பதாக சர்வதேச நாணய நிதியம் தெரிவித்துள்ளது.
குறித்த தகவலை சர்வதேச நாணய நிதியம் இன்று (17) முன்வைத்துள்ளது.
வோசிங்டனில் செய்தியாளர்களிடம் பேசிய சர்வதேச நாணய நிதியத்தின் தகவல் தொடர்பு இயக்குநர் ஜூலி கோசாக் (Julie Kozack) சர்வதேச நாணய நிதியத்தின் நிர்வாகக் குழுவின் மதிப்பாய்வை முடிக்க இரண்டு முக்கியமான கூறுகள் தேவையென தெரிவித்துள்ளார்.
இலங்கை அதிகாரிகள்
அத்தோடு, இதில் முதலாவதாக, ஒப்புக்கொள்ளப்பட்ட முன் நடவடிக்கைகளை இலங்கை அதிகாரிகள் நடைமுறைப்படுத்தப்பட வேண்டுமெனவும் நிதியளிப்பு உத்தரவாத மதிப்பாய்வை நிறைவு செய்யவேண்டுமெனவும் இந்த மதிப்பாய்வு பலதரப்பு பங்களிப்புகளை உறுதிப்படுத்தும் மற்றும் கடன் மறுசீரமைப்பில் போதுமான முன்னேற்றத்தை மதிப்பிடுமெனவும் அவர் குறிப்பிட்டுள்ளார்.
இலங்கையின் பேரண்ட பொருளாதாரக் கொள்கைகள் சாதகமான முடிவுகளைத் தரத் தொடங்கியுள்ளதாக கோசாக் தெரிவித்துள்ளார்.
பணவீக்கத்தில் விரைவான சரிவு, வலுவான இருப்பு குவிப்பு மற்றும் பொருளாதார வளர்ச்சியின் ஆரம்ப அறிகுறிகளெனவும் இவை அனைத்தும் இலங்கையின் பாராட்டத்தக்க விளைவுகளில் அடங்குமமென அவர் குறிப்பிட்டுள்ளார்.
கடன் மறுசீரமைப்பு
இந்த நிலையில், இலங்கையின் கடன் மறுசீரமைப்பு முயற்சிகளுக்கான அடுத்த படிகளை கோசாக் கோடிட்டுக் காட்டியுள்ளார்.
தற்போது முதன்மையான கவனம் வெளி தனியார் கடனாளிகளுடன் பேச்சுவார்த்தைகளை முடிப்பது மற்றும் இலங்கையின் உத்தியோகபூர்வ கடனாளிகளுடன் கொள்கை அடிப்படையில் ஒப்பந்தங்களை நடைமுறைப்படுத்துவது என்றும் சுட்டிக்காட்டியுள்ளார்.
இதனுடன், வெளிப் பத்திரதாரர்களுடன் ஒருமித்த கருத்தை அடைவதில் உள்ள சவால்கள் உள்ளதாக அவர் குறிப்பிட்டுள்ளார்.
மேலும், முன்னதாக வெளிப் பத்திரதாரர்களுடனான ஆரம்ப கடன் மறுசீரமைப்பு பேச்சுவார்த்தைகள் ஒப்பந்தம் ஏதுமின்றி ஏப்ரல் நடுப்பகுதியில் முடிவடைந்தன எனினும் கொள்கை ரீதியான உடன்பாட்டை எட்டுவதற்கான நோக்கத்துடன் பேச்சுவார்த்தைகள் நடந்து வருவதாக சர்வதேச நாணய நிதியத்தின் தகவல் தொடர்பு இயக்குநர் ஜூலி கோசாக் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
