தெஹிவளை மிருகக்காட்சிசாலை விலங்குகளுக்கு நேர்ந்துள்ள துயரம் : முன்னெடுக்கப்படவுள்ள நடவடிக்கை
தெஹிவளை மிருகக்காட்சிசாலையின் கூண்டுக்குள் தனித்து வாழும் விலங்குகளின் எண்ணிக்கை அதிகரித்துள்ளதாக தேசிய கணக்காய்வு அலுவலகம் தெரிவித்துள்ளது.
அண்மையில் தேசிய கணக்காய்வு அலுவலகத்தினால் சமர்ப்பிக்கப்பட்டுள்ள அறிக்கையிலேயே இந்த விடயம் குறிப்பிடப்பட்டுள்ளது.
இதன்படி, தெஹிவளை மிருகக்காட்சிசாலையில் 15 விலங்குகள் கூண்டுகளில் தனியாக வாழ்வதாக குறிப்பிடப்பட்டுள்ளது.
பிரேத பரிசோதனையில்
தவிரவும், 35 விலங்குகள் ஆன் துணை இன்றியும், 21 விலங்குகள் பெண் துணை இன்றியும் இருப்பதாக அந்த அறிக்கையில் குறிப்பிடப்பட்டுள்ளது.
இதனிடையே, தெஹிவளை மிருகக்காட்சிசாலையில் சுமார் 15 வருடங்களாக தனிமையில் வாழ்ந்த ஜப்பானிய பெண் குரங்கு கடந்த 2022 ஆம் ஆண்டு மார்ச் மாதம் 9 ஆம் திகதியன்று உயிரிழந்தது.
தனிமையில் வாழ்ந்த காரணத்தினால் குறித்த குரங்கிற்கு மனச்சோர்வு காரணமாக புற்றுநோய் ஏற்பட்டு அதன் உடல் நிலை மோசமடைந்ததாக பிரேத பரிசோதனையில் தெரியவந்துள்ளது.
சர்வதேச விலங்கு பரிமாற்றம்
இதன்படி, தனியாக வாழ்வதும், தனிமையில் இருப்பதும் விலங்குகளின் மன மற்றும் உடல் ஆரோக்கியத்தில் கடுமையான பாதிப்பை ஏற்படுத்தும் என தேசிய கணக்காய்வு அலுவலக அறிக்கை தெரிவித்துள்ளது.
மேலும், விலங்கு நல உத்திகளின் நெறிமுறை அமைப்பின்படி, மிருகக்காட்சிசாலையில் உள்ள விலங்குகளின் இயல்பான நடத்தைக்குத் தேவையான சூழலை தயார் செய்ய வேண்டியுள்ளதாகவும் தெரிவிக்கப்பட்டுள்ளது.
இந்த நிலையில், பல்வேறு சர்வதேச விலங்கு பரிமாற்ற திட்டங்களுக்கான நடவடிக்கைகளை எடுத்து வருவதாகவும் மிருகக்காட்சிசாலை நிர்வாகம் தேசிய கணக்காய்வு அலுவலகத்திடம் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
