அதிபர் வேட்பாளர் : கட்சிகளுக்குள் வெடித்தது மோதல்
அதிபர் தேர்தலின்போது கட்சிகளின் வேட்பாளர்கள் தொடர்பில் அரசியல் கட்சிகளுக்கு இடையில் பாரிய முரண்பாடுகள் வெடித்துள்ளதாக அரசியல் வட்டாரங்கள் தெரிவிக்கின்றன.
அதிபர் வேட்பாளராக போட்டியிடுவதற்கு பல கட்சிகளின் நாடாளுமன்ற உறுப்பினர்கள் விருப்பம் தெரிவித்துள்ளதாகவும், வேட்பாளர் பதவிகள் தொடர்பில் அந்தந்த கட்சிகளுக்குள்ளேயே கோஷ்டி பிளவு ஏற்பட்டுள்ளமையே இந்த முரண்பாடான சூழலுக்கு வழிவகுத்துள்ளதாகவும் அந்த வட்டாரங்கள் தெரிவிக்கின்றன.
மைத்திரி : தயாசிறி
சிறி லங்கா சுதந்திரக் கட்சியின் தலைவரும், முன்னாள் அதிபருமான மைத்திரிபால சிறிசேன ஏற்கனவே அதிபர் தேர்தலில் போட்டியிட விருப்பம் தெரிவித்துள்ளதாகவும், குருநாகல் மாவட்ட நாடாளுமன்ற உறுப்பினர் தயாசிறி ஜயசேகரவும், கட்சி ஆதரவளித்தால் அதிபர் வேட்பாளராக போட்டியிடத் தயார் என அண்மையில் தெரிவித்திருந்தார்.
சி.வி.விக்னேஸ்வரன்
தமிழ் மக்களின் கட்சிகள் இணக்கப்பாட்டிற்கு வந்தால் அதிபர் தேர்தலில் போட்டியிட தயார் என தமிழ் மக்கள் கூட்டணியின் தலைவர் வடமாகாண முன்னாள் முதலமைச்சர்சி.வி.விக்னேஸ்வரனும் தெரிவித்தார்.
ஆனால் தமிழ் தேசிய கூட்டமைப்பு உட்பட பல அரசியல் கட்சிகள் அவருக்கு வேட்பாளர் பதவியை வழங்க தயாராக இல்லை என தெரிவிக்கப்பட்டுள்ளது.
தம்மிக்க பெரேரா
சிறி லங்கா பொதுஜன பெரமுனவின் அதிபர் வேட்பாளர் பதவிக்கு பலரின் பெயர்கள் முன்மொழியப்பட்டுள்ளதாக அக்கட்சியின் செயலாளர் சாகர காரியவசம் தெரிவித்துள்ளார்.
பரிந்துரைக்கப்பட்ட சில பெயர்களில் பிரபல கோடீஸ்வர வர்த்தகரான தம்மிக்க பெரேராவின் பெயரும் உள்ளதாக அவர் குறிப்பிட்டுள்ளார். தம்மிக்க பெரேரா சிறி லங்கா பொதுஜன பெரமுனவின் தேசிய பட்டியல் நாடாளுமன்ற உறுப்பினர் ஆவார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
