திருகோணமலையில் அதிகரித்துள்ள கடல் சீற்றம்

Trincomalee

By Independent Writer Nov 29, 2025 07:45 AM GMT

Independent Writer

in இயற்கை

Report

சூறாவளி அனர்த்தம் காரணமாக திருகோணமலை மாவட்டத்தில் கடற் சீற்றம் அதிகரித்தித்துள்ளதாக கூறப்படுகிறது.

திருகோணமலை பிரதான கடற்லரையில் அதிக அளவில் கடல் கரையோரப்பகுதிகளுக்குள் உள்வாங்கப்பட்டிருப்பதுடன் அதிக அளவில் கடல் அலைகள் உயரமாக பாய்ந்து வருவதனையும் அவதானிக்க முடிவதாக எமது செய்தியாளர் தெரிவித்துள்ளார்.

இதன் காரணமாக கடற்கரையில் நிறுத்தி வைக்கப்பட்டிருந்த சுற்றுலா மற்றும் மீன்பிடிப் படகுகள் அலையின் சீற்றத்தினால் முற்றாக சேதமடைந்திருப்பதாக தெரிவிக்கப்படுகிறது.

சீரற்ற கால நிலை மற்றும் டித்வா புயல் காரணமாக திருகோணமலை மாவட்டத்தில் மொத்தமாக 10214 குடும்பங்களை சேர்ந்த 31634 நபர்கள் பாதிக்கப்பட்டுள்ளதாக மாவட்ட அனர்த்த முகாமைத்துவ நிலையம் தெரிவித்துள்ளது.

திருகோணமலை மாவட்டத்தின் 11 பிரதேச செயலக பிரிவை உள்ளடக்கிய 182 கிராம சேவகர் பிரிவுகளில் இருந்து 25.11.2025 _2025.11.29 இன்று (29) காலை 8.00 மணி வரையான தகவலின் அடிப்படையில் வெளியிட்ட அறிக்கையின் பிரகாரம் இவ்வாறு குறிப்பிடப்பட்டுள்ளது.

இதில் 294 வீடுகள் பகுதியளவில் சேதமடைந்துள்ளதுடன் பாதிக்கப்பட்ட 9602 குடும்பங்களை சேர்ந்த 29809 நபர்கள் உறவினர்கள் மற்றும் சொந்த வீடுகளில் தங்கவைக்கப்பட்டுள்ளனர்.14 பாதுகாப்பான தற்காலிக முகாம்களில் 612 குடும்பங்களை சேர்ந்த 1825 பேர்கள் தங்க வைக்கப்பட்டுள்ளனர்.