38 ஆண்டுகளுக்கு பின்னர் இலங்கைக்கு வந்தடைந்த இந்திய பாதுகாப்பு அமைச்சர்

Sri Lanka India

By Jaso Sep 08, 2026 10:41 AM GMT

Jaso

in அரசியல்

Report

இந்திய பாதுகாப்பு அமைச்சர் ராஜ்நாத் சிங், இந்திய விமானப்படையின் சிறப்பு விமானம் மூலம் இன்று பிற்பகல் இலங்கை வந்தடைந்தார். இது, செப்டம்பர் 10 வரை நீடிக்கும் அவரது மூன்று நாள் உத்தியோகபூர்வ பயணத்தின் தொடக்கத்தைக் குறிக்கிறது.

இரு நாடுகளுக்கும் இடையிலான பாதுகாப்பு ஒத்துழைப்பை வலுப்படுத்தும் நோக்கில் இந்தப் பயணம் மேற்கொள்ளப்பட்டுள்ளது.

ஜனாதிபதி உட்பட பல்வேறு தரப்புடன் பேச்சு

இந்நிலையில், ஜனாதிபதி அனுர குமார திசாநாயக்க, பிரதமர் ஹரினி அமரசூரிய, மற்றும் பாதுகாப்பு அமைச்சக செயலாளர் ஓய்வுபெற்ற ஏர் வைஸ் மார்ஷல் சம்பத் துயகொந்த உள்ளிட்டோருடன் சிங் பேச்சுவார்த்தை நடத்த உள்ளார்.

38 ஆண்டுகளுக்கு பின்னர் இலங்கைக்கு வந்தடைந்த இந்திய பாதுகாப்பு அமைச்சர் | Indian Defence Minister Arrives In Sri Lanka

கடந்த ஆண்டு இந்தியப் பிரதமர் நரேந்திர மோடியின் பயணத்தின்போது கையெழுத்திடப்பட்ட இந்திய-இலங்கை பாதுகாப்பு ஒத்துழைப்பு ஒப்பந்தத்தை செயல்படுத்துவது குறித்தும் பேச்சுவார்த்தைகள் நடைபெறும் என இந்திய ஊடகங்கள் தெரிவிக்கின்றன.

38 ஆண்டுகளுக்குப் பிறகு ஒரு இந்திய பாதுகாப்பு அமைச்சர் இலங்கைக்கு மேற்கொள்ளும் முதல் உத்தியோகபூர்வ பயணம் இது என்பதால், இந்தப் பயணம் கூடுதல் முக்கியத்துவம் பெறுகிறது.