சவூதி அரேபியாவிற்கான விமானச் சேவை இடைநிறுத்தத்தை நீடித்தது இண்டிகோ!

சவூதி அரேபியாவிற்கான தனது விமானச் சேவைகளின் இடைநிறுத்தத்தை மேலும் நீட்டிப்பதாக இந்தியாவின் விமான சேவை நிறுவனமான இண்டிகோ (IndiGo) அதிகாரப்பூர்வமாக அறிவித்துள்ளது.

பாதுகாப்பு விவகாரங்களை மதிப்பீடு செய்த பிறகு இம்முடிவு எடுக்கப்பட்டுள்ளதாக இண்டிகோ நிறுவனம் தெரிவித்துள்ளது.

இந்தநிலையில் பாதிக்கப்பட்ட பயணிகளுக்குத் தேவையான உதவிகள் வழங்கப்படும் எனத் தெரிவிக்கப்பட்டுள்ளது.

வாஷிங்டன் பரப்புவது அத்தனையும் போலிச் செய்திகள்: ஈரான் பகிரங்க குற்றச்சாட்டு

அதிகாரப்பூர்வ அறிவிப்பு

இண்டிகோ நிறுவனத்தின் அதிகாரப்பூர்வ அறிவிப்பின்படி இடைநிறுத்தம் நீட்டிக்கப்பட்டுள்ள புதிய திகதிகள்:

1. ஜெட்ஃபா மற்றும் மதினா (Jeddah & Madinah): 2026 நவம்பர் 21 வரை (உட்பட) சேவைகள் இடைநிறுத்தப்பட்டுள்ளன.
2. ரியாத் மற்றும் தம்மாம் (Riyadh & Dammam): 2026 நவம்பர் 30 வரை (உட்பட) சேவைகள் இடைநிறுத்தப்பட்டுள்ளன.

இந்தநிலையில் எங்கள் வாடிக்கையாளர்கள் மற்றும் ஊழியர்களின் பாதுகாப்பிற்கே நாங்கள் முதன்மை முக்கியத்துவம் அளிக்கிறோம் என்று குறிப்பிட்டுள்ள நிறுவனம், பிராந்தியச் சூழலைத் தொடர்ந்து உன்னிப்பாகக் கண்காணித்து வருவதாகவும் நிலைமைக்கேற்ப அடுத்தகட்ட தகவல்கள் வெளியிடப்படும் என்றும் தெரிவித்துள்ளது.

அமெரிக்க துணை ஜனாதிபதியுடன் சந்திப்பு: பரவும் செய்திகளை முற்றிலும் மறுத்த ஈரான்

விமான நிறுவனங்கள்

பாதிக்கப்பட்ட பயணிகளுக்கு அவர்களின் முன்பதிவுத் தொடர்புகள் மூலம் நேரடி அறிவிப்புகள் அனுப்பப்பட்டு வருகின்றன.

அவர்களுக்கு முழு கட்டணத்தையும் திரும்பப் பெறுதல் (Full Refund) அல்லது கூடுதல் கட்டணமின்றி மாற்றுத் திகதிகளில் பயணச் சீட்டுகளை மாற்றி அமைத்தல் போன்ற வசதிகள் அளிக்கப்படும் எனக் தெரிவிக்கப்பட்டுள்ளது.

மத்திய கிழக்கு பிராந்தியத்தில் நிலவும் மோதல்கள் மற்றும் வான்வெளி சார்ந்த பாதுகாப்பு அச்சுறுத்தல்கள் காரணமாக இண்டிகோ தவிர ஏர் இந்தியா (Air India) மற்றும் அகாசா ஏர் (Akasa Air) போன்ற பிற இந்திய விமான நிறுவனங்களும் சவூதி அரேபியாவிற்கான சேவைகளைத் தற்காலிகமாக நிறுத்தி வைத்துள்ளன.

எனினும், சவூதி அரேபியாவின் தேசிய விமான நிறுவனங்கள் தொடர்ந்து சில குறிப்பிட்ட வழித்தடங்களில் சேவைகளை வழங்கி வருகின்றமை குறிப்பிடத்தக்கது.

பிரிட்டனிலிருந்த அமெரிக்க எரிபொருள் நிரப்பும் விமானங்கள் ஜெர்மனிக்கு இடமாற்றம்!