உயிர்த்த ஞாயிறு குண்டுத்தாக்குதல் தொடர்பில் சர்வதேச விசாரணை அவசியம் : நாடாளுமன்றில் சார்ள்ஸ் நிர்மலநாதன்

Parliament of Sri Lanka Sri Lanka Easter Attack Sri Lanka Charles Nirmalanathan

By Sathangani Sep 23, 2023 03:00 AM GMT

Sathangani

in அரசியல்

Report

இலங்கையில் இடம்பெற்ற உயிர்த்த ஞாயிறு குண்டுத்தாக்குதல் தொடர்பில் சர்வதேச விசாரணை அவசியம் என தமிழ் தேசியக் கூட்டமைப்பின் நாடாளுமன்ற உறுப்பினர் சார்ள்ஸ் நிர்மலநாதன் தெரிவித்துள்ளார்.

நாடாளுமன்றத்தில் நேற்று (22) இடம்பெற்ற உயிர்த்த ஞாயிறு குண்டுத்தாக்குதல் சம்பவம், தேசிய பாதுகாப்பு தொடர்பான இரண்டாம் நாள் விவாதத்தில் உரையாற்றுகையிலேயே அவர் இவ்வாறு தெரிவித்தார்.

அவர் மேலும் தெரிவிக்கையில்

சர்வதேச விசாரணை

உயிர்த்த ஞாயிறு குண்டுத்தாக்குதலுக்கு முன்னர் வவுனதீவில் நடந்த தாக்குதலுக்கு தமிழீழ விடுதலைப்புலிகள் மீது பழி சுமத்தியுள்ளனர். ஆனால் அதனை உண்மையில் யார் செய்தனர் என்பதனை அனைவரும் புரிந்து கொண்டுள்ளனர். தங்களுடைய அரசியல் காரணங்களுக்காகவே தாக்குதல்களை ஏற்பாடு செய்துள்ளனர்.

உயிர்த்த ஞாயிறு குண்டுத்தாக்குதல் தொடர்பில் சர்வதேச விசாரணை அவசியம் : நாடாளுமன்றில் சார்ள்ஸ் நிர்மலநாதன் | International Inquiry Needed To The Easter Attack

அதன்படி கிறிஸ்தவ தேவாலயங்கள் மீது தாக்குதலை நடத்தியுள்ளனர். இந்த தாக்குதல் மூலமே கோட்டாபய ராஜபக்‌ச அதிபராகியுள்ளார்.

இந்த நாட்டின் ஆட்சியாளர்களுக்கு ஏற்றால் போன்று புலனாய்வாளர்கள் செயற்படுகின்றனர். இதனாலேயே சர்வதேச விசாரணையைக் கோர வேண்டியுள்ளது. புலனாய்வாளர்கள் ஆட்சியாளர்களின் நிகழ்ச்சி நிரலில் தான் இயங்கிக்கொண்டு இருக்கின்றனர்.