நாட்டை உலுக்கிய கோர பேருந்து விபத்து - அதிரவைக்கும் ஆரம்ப கட்ட அறிக்கை
ரம்பேவயில் இடம்பெற்ற கோர வீதி விபத்து தொடர்பாக முறைமையான விசாரணையை நடத்திஇ அதன் விசாரணை அறிக்கையை நீதிமன்றத்தில் சமர்ப்பிக்குமாறு உத்தரவிடப்பட்டுள்ளது.
சம்வத்தை நேரில் சென்று பார்வையிட்ட அநுராதபுரம் மேலதிக நீதவான் டி.எல். சமரசிங்க மிகிந்தலை காவல்துறையினருக்கு இந்த உத்தரவை பிறப்பித்துள்ளார்.
ஏ-9 வீதியின் அநுராதபுரம் ரம்பேவ பகுதியில் மூன்று பேருந்துகள் மோதி இடம்பெற்ற விபத்தில் நால்வர் உயிரிழந்ததுடன் மேலும் 71 பேர் காயமடைந்தனர்.
ஆபத்தான மற்றும் கவனயீனம்
உயிரிழந்தவர்களில் 47 மற்றும் 56 வயதுடைய இரு ஆண்களும், 32 மற்றும் 72 வயதுடைய இரு பெண்களும் அடங்குகின்றனர்.
இலங்கை போக்குவரத்து சபைக்குச் சொந்தமான 2 பேருந்துகளும் தனியார் பேருந்து ஒன்றும் மோதி நேற்று (10) இடம்பெற்ற இந்த விபத்து, ஒரு பேருந்தின் சாரதியின் ஆபத்தான மற்றும் கவனயீனமான வாகனம் செலுத்தல் காரணமாகவே இடம்பெற்றுள்ளமை ஆரம்பக்கட்ட விசாரணைகளில் தெரியவந்துள்ளதாக காவல்துறையினர் தெரிவித்தனர்.
வவுனியாவிலிருந்து ரம்பேவ நோக்கி பயணித்த இலங்கை போக்குவரத்து சபைக்கு சொந்தமான பேருந்து ஒன்று, அதே திசையில் பயணித்த தனியார் பேருந்து ஒன்றை முந்திச் செல்ல முயன்றபோதே, எதிரே வந்த மற்றொரு இலங்கை போக்குவரத்து சபைக்கு சொந்தமான பேருந்துடன் நேருக்கு நேர் மோதி இந்த விபத்து சம்பவித்துள்ளது.
விபத்து தொடர்பில் மிகிந்தலை காவல்துறையினர் பி-அறிக்கை (B-report) மூலம் நீதிமன்றத்திற்கு சமர்ப்பித்த சமர்ப்பணங்களை கருத்தில் கொண்டு, மேலதிக நீதவான் ரம்பேவ பகுதியில் விபத்து நடந்த இடம் மற்றும் விபத்துக்குள்ளான மூன்று பேருந்துகளையும் நேரில் சென்று பார்வையிட்டார்.
தனித்தனியாக விசாரணை
அவற்றை பார்வையிட்ட பின்னர் மேலதிக நீதவான், மிகிந்தலை காவல்துறையினருக்கு மேலும் உத்தரவிடுகையில், விபத்துக்குள்ளான மூன்று பேருந்துகள் தொடர்பாகவும் மோட்டார் வாகன பரிசோதகர் மூலம் தனித்தனியாக விசாரணைகளை நடத்தி உரிய அறிக்கைகளை நீதிமன்றத்தில் சமர்ப்பிக்குமாறு பணித்தார்.
அதன்பின்னர் அநுராதபுரம் போதனா வைத்தியசாலைக்குச் சென்ற மேலதிக நீதவான், விபத்தில் உயிரிழந்தவர்களின் சடலங்களைப் பார்வையிட்டதுடன், சடலங்கள் தொடர்பில் பிரேத பரிசோதனைகளை நடத்தி உரிய பிரேத பரிசோதனை அறிக்கைகளை நீதிமன்றத்தில் சமர்ப்பிக்குமாறு அநுராதபுரம் போதனா வைத்தியசாலையின் விசேட சட்ட வைத்திய அதிகாரியிடம் உத்தரவிட்டுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மலேசியா, Malaysia, தெல்லிப்பழை, Wembley, United Kingdom
09 Oct, 2026
அல்லைப்பிட்டி, பிரான்ஸ், France
12 Nov, 2011
அனலைதீவு, நீர்கொழும்பு, யாழ்ப்பாணம், கிளிநொச்சி, Mississauga, Canada
07 Nov, 2026
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
பருத்தித்துறை, London, United Kingdom
19 Oct, 2025
