அடுத்தடுத்து ஐ.பி.எல் கிண்ணத்தை வெல்லும் அணியாக குஜராத்? வெளியான கணிப்பு..!
Pakirathan
in கிரிக்கெட்
16 ஆவது ஐ.பி.எல் தொடர் கோலாகலமாகத் தொடங்கி, தற்போது அதன் இறுதிக் கட்டத்தை நெருங்கியுள்ளது.
பிளே ஓப் ஆட்டங்கள், குவாலிபையர் 1, குவாலிபையர் 2 போட்டிகள் நிறைவடைந்த நிலையில், இறுதிப் போட்டியில் இன்றையதினம் சென்னை சூப்பர் கிங்ஸ் அணியும் குஜராத் அணியும் மோதவுள்ளன.
அடுத்தடுத்து கிண்ணம்
ஐ.பி.எல் போட்டியில் இதுவரை அதிகபட்சமாக மும்பை இந்தியன்ஸ் அணி 5 முறையும், சென்னை சூப்பர் கிங்ஸ் அணி 4 முறையும், கொல்கத்தா நைட் ரைடர்ஸ் அணி 2 முறையும் கிண்ணத்தை வென்றுள்ளதுடன், இதில் மும்பை அணி தொடர்ச்சியாக 2019 மற்றும் 2020 ல் நடைபெற்ற ஐ.பி.எல் போட்டிகளில் அடுத்தடுத்து கிண்ணத்தை சுவீகரித்தது.
அதேபோல சென்னை சூப்பர் கிங்ஸ் அணியும் 2010 மற்றும் 2011ம் ஆண்டில் நடைபெற்ற ஐ.பி.எல் போட்டியில் அடுத்தடுத்து கிண்ணத்தை வென்றது.
இதன் மூலம் நடப்பு சாம்பியன்களாக இருந்து ஐ.பி.எல் போட்டியில் தொடர்ந்து வெற்றி பெற்ற அணிகள் என்ற பெருமையை மும்பை மற்றும் சென்னை அணிகள் பெற்றுள்ளன.
குஜராத் அணி
கடந்த 2021 இல் நடைபெற்ற ஐ.பி.எல் தொடரில் முதன்முறையாக கால் பதித்தது ஹர்திக் பாண்டியா தலைமையிலான குஜராத் டைட்டன்ஸ் அணி.
அறிமுகமான முதல் ஆண்டிலேயே கிண்ணத்தை வென்று, அனைவரது கவனத்தையும் ஈர்த்தமை குறிப்பிடத்தக்கது.
கடந்த வருடத்தில் இருந்த அதே எதிர்பார்ப்புகளுடன் இந்த வருடத்திற்கான முதல் போட்டியில் சென்னை அணியும் நடப்பு சாம்பியனான குஜராத் அணியும் மோதியிருந்தன.
அதிரடியாக விளையாடிய குஜராத் சென்னை அணியை வீழ்த்தி முதல் வெற்றியை பதிவு செய்தது.
இம்முறையும் மீண்டும் குஜராத் அணி நடப்பு ஐ.பி.எல் தொடரில் இறுதிப்போட்டிக்கு முதல் அணியாக தகுதி பெற்றது.
இந்த தொடரிலேயே குறைந்த தோல்விகளை மட்டுமே பதிவு செய்துள்ள குஜராத் அணிக்கு சுப்மன் கில்லின் அதிரடியான ஆட்டம் சிறப்பான பங்களிப்பை வழங்கிக்கொண்டிருக்கிறது.
வெற்றி வாய்ப்பு
அதேபோல முகமது சமி சிறப்பான பந்து வீச்சினால் அசந்திக்கொண்டிருப்பதுடன், ஹர்திக் பாண்டியாவின் தலைமைத்துவமும் அந்த அணிக்கு கூடுதல் பலத்தை கொடுத்துள்ளது.
சென்னை சூப்பர் கிங்ஸ் – குஜராத் டைட்டன்ஸ் அணி எதிர் கொள்ளும் இறுதி போட்டி குஜராத் அணியின் சொந்த மைதானமான அகமதாபாத் நரேந்திர மோடி மைதானத்தில் நடைபெற உள்ளது.
இதுவரை அகமதாபாத் மைதானத்தில் விளையாடிய போட்டிகள் அனைத்தும் குஜராத் அணிக்கு கை கொடுத்துள்ளன.
சுப்மன் கில்லின் அதிரடி துடுப்பாட்டம், முகமது சமி, ரஷித் கான் ஆகியோர் பந்துவீச்சால் எதிரணிக்கு அழுத்தங்களை வழங்கலாம், அவ்வப்போது மோகித் சர்மா மற்றும் நூர் அகமது வெளிப்படுத்தும் சிறப்பான ஆட்டங்கள் போன்றவை குஜராத் அணிக்கு வெற்றி வாய்ப்பு உள்ளதாக சொல்லப்படுகிறது.
சிறப்பான துடுப்பாட்ட வரிசை மற்றும் பந்துவீச்சாளர்களை கொண்டுள்ள நடப்பு சாம்பியனான குஜராத் டைட்டன்ஸ் அணி இந்த முறையும் சென்னையை வீழ்த்தி வெற்றி வாகை சூடுமா..? அதன் மூலம் தொடர்ச்சியாக அடுத்தடுத்து சாம்பியன் பட்டம் வென்ற சென்னை, மும்பை அணிகளின் பட்டியலில் இடம்பெறுமா என்பது இன்று தெரிந்துவிடும்.
துயிலும் இல்லங்களை விட்டு இராணுவத்தை வெளியேற்றுமா அநுர அரசு..! 12 மணி நேரம் முன்
இன்றைய ஆட்சியில் ரில்வின் சில்வாதான் சரத் வீரசேகர வடிவமா....
4 நாட்கள் முன்
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
